مزگینیەک بۆ رۆژنامەڤانێن وەرزشی یێن کوردستانێ
ئەڤرۆ نیوز، قەیس ئیسماعیل:
وەزیری وەرزش و لاوێن عیراقێ عەبدولحسێن عەتبان بڕیار دا رۆژنامەڤانێن وەرزشی یێن ھەرێما کوردستانێ ژی مفادار بن ژ ھنارتیێن تایبەت یێن وەزارەتا وەرزش و لاوان بۆ دەرڤەی وەلاتێ.
زێدەتر داود ئیسحاق نوونەرێ لژنا رۆژنامەڤانێن وەرزشی یێن کوردستانێ ئەڤ چەند راگەھاند د سەرەدانا وەزیرێ ناڤبری دا بۆ باژێری بەسرە و پیرۆزباھی ب ناڤێ لژنا رۆژنامەڤانێن وەرزشی یا کوردستانێ بۆ وەزیرێ ناڤبری ب ھەلکەفتا دەست بکار بوونا وی پێشکێشکر، وەزیری ئەڤ چەندە راگەھاند و سوز دا د گەل لژنا ئۆلۆمپیا عیراقێ و ئێکەتیا عیراقێ یا رۆژنامەڤانێن وەرزشی ڤی بابەتی بەحس بکەت بۆ ھنارتنا رۆژنامەڤانێن وەرزشی یێن کوردستانێ د گەل ھەلبژارتیێن عیراقێ یێن جودا.
وەزیرێ ناڤبری بڕیار دا وەکو دەست پێشخەری رۆژنامەڤانێن وەرزشی بھنێرێت بۆ سعودیە و تورکیا و کۆمبوونا وەزیرێن وەرزش و لاوێن عەرەب و سەرەدانا ئێکەتیا نێڤدەولەتی یا تەپا پێ و چەندین قارەمانیێن دی وەکو پشتەڤانیەک بۆ براتیا کورد و عەرب و ھەموو پێکھاتیێن عیراقێ.
بۆ پشکداریێ د رامالینا چالاکیێن کاسا کەنداڤی یا ٢٢ ل سعودیێ وەزیری بڕیار دا سێ رۆژنامەڤانێن ھەرێمێ بھێنە ھنارتن بۆ ڤەگوھاستنێ.
