مستەفا كازمی: هیچ گڤاشتنەکێ بۆ گوهۆرینا ئاراستەیا حوکمەتا خوە قەبوول ناكەم
ئەڤرۆ نیوز:
ئەمرۆ دوشەمبی مستەفا كازمی سەرۆك وەزیرێن راسپاردی یێ عیراقێ، ل بەرامبەر گڤاشتنێن چەند رۆژی یێن لایەنێن شیعی بێدەنگی شكاند و راگەهاند هیچ گڤاشتنەکێ قەبوول ناكەم بۆ گوهۆرینا ئاراستەیا حوکمەتا خوە.
نوکە هەڤرکیا لایەنێن شیعی ل سەر دابەشكرنا وەزارەتان د وی پەرێ توند دانە و ئەڤە بوویە ئەگەرێ گیروبوونا كابینا نوو یا حوکمەتا كازمی، ئەڤرۆ ل هژمارا خوە یا تایبەت یا (توویتەری) مستەفا کازمی گۆتیە، ئەو بەرپرسیارەتیا من خستیە سەر ستوویێ خوە دڤی دۆخێ ئالۆز دا، ل ناڤەراستا تەنگژەیا ئابووری و ساخلەمی و ئاسایشێ دا، بەرپرسیارەتیەکا نیشتمانیە.
گۆتیە ژی، ئەو حوکمەتا ئەز بزاڤێ بۆ پێكئینانا وێ ددەم، دڤێت د ئاستێ وێ تەنگژەیێ و چارەسەركرنێ دا بیت، لەوما پێدڤیە ئەم هەموو بەرژەوەندیا عیراقێ بكەینە یەكەمینا خوە.
هەروەسا دبێژیت، ب تنێ د دەمەکێ دا دێ گوشاران قەبوول كەم، كو یارمەتیا باسکێ دەولەتێ بدەت، بەلێ ئەز وان گڤاشتنان رەت دكەم یێن کو ئامانجا وان گوهۆرینا باسکێ دەولەتێ بیت.