مسرێ بۆ ده‌مێ سێ هه‌یڤان هاتنوچون قه‌ده‌غه‌كر
ئه‌ڤرۆ نیوز:
سه‌رۆك كۆمارێ مسرێ ب ئه‌گه‌رێ ڤایرۆسێ كورونایێ، بۆ ده‌مێ سێ هه‌یڤان بارێ نه ئاسایی ل وه‌لاتی راگه‌هاند.
رۆژنامه‌یا فه‌رمی یا مسرێ دا هاتیه به‌لاڤكرن، عه‌بدلفه‌تاح سیسی سه‌رۆك كۆمارێ مسرێ پشتی وه‌رگرتنا رایا جڤاتا وه‌زیران و ب ئه‌گه‌رێ ره‌وشا ساخله‌می و ئه‌منیا وه‌لاتی، بریارا راگه‌هاندنا ره‌وشا نه ئاسایی ل وه‌لاتی راگه‌هاند.
راگه‌هاندنا ره‌وشا نائاسایی ل مسرێ بۆ ده‌مێ سێ هه‌یڤان، لگۆری بریارا ژماره 168 یا سالا 2020 عه‌بدلفه‌تاح سیسی ل سپێده‌هیا رۆژا 28/4/200 هێته بجهكرن.
ئه‌ڤه د ده‌مه‌كی دایه چار هزار و 782 كه‌س ل مسرێ تووشی ڤایرۆسێ كورونایێ بوون، ژ وێ ژماره‌یێ 337 كه‌س ژی مرینه.
