مسر دێ پايته‌خته‌كێ نوو بۆ خوه ئاڤا كه‌ت
ئه‌ڤرۆ نيوز:
حوكمه‌تا مسرێ ماوه‌كه مژوولى پێشڤه‌برنا مه‌زنترين پرۆژه‌يه ژبۆ ئاڤاكرنا پايته‌خته‌كێ نوو كو دكه‌ڤيته بيابانێن رۆژهه‌لاتا قاهيره و كه‌نالێ سوێس.
ئه‌ڤ پايته‌خته ب ره‌نگه‌كێ وه‌سان دهێته ئاڤاكرن كو جهێ ژيارا 18 مليۆن كه‌سان تێدا ب ساناهيتر لێ بكه‌ت كو ل قاهيره دژين.
ئه‌ڤ پايته‌ختێ نوو 45 كيلۆمه‌تران يێ ژ رۆژهه‌لاتا قاهيره دووره و دێ بيته پايته‌ختێ ئيدارى و بازرگانى و بنه‌جهبوونا نوو و دڤێت سالا 2019ێ هه‌موو ئاڤاهى و باره‌گايێن سه‌رۆك كۆمارو سازيێن حكومى و فه‌رمى و له‌شكرى ب دووماهى بهێن و بۆ باژێرێ نوو بهێنه ڤه‌گوهاستن.
ل دۆر وێ يه‌كێ ژى به‌رپرسێن مسرێ گه‌شبينى يا خوه ژبۆ ده‌ركه‌فتن ژ باژێرێ نها نيشان دا كو ئاكنجيێن زێده تێدا هه‌نه و ژينگه‌ها وێ ژى پيس بوويه.
