من دڤێت كارێ خۆ پتر پێشبێخم و داهێنانێ تێدا بكەم
عایشە عەجیب
شێوەكار(شرین یوسف) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ هونەری دكر، هەروەسا من گەلەك حەزدكر تشتێن بچووك ب دەستێن خۆ چێكەم و ب هاندانا كەسێن دەوروبەر بوونە پالدەرەك كو پتر تشتێ نوو تاقیبكەم و یێ بەردەوامبم.
هەروەسا گۆت: نوكە ئەز ل مال كەڤالان چێدكەم و د سۆسیال مەدیایێ دا بەلاڤ دكەم و ب رێكا ئۆنلاین دفرۆشم، ئەز پتر كاری ل سەر (دیۆراما) دكەم، چنكو چیرۆك و بیرهاتنێن كەڤن دزڤڕینیت و ئەڤ چەندە من كەیفخۆش دكەت و سەرەرای وێ چەندێ كو زاڕۆك و مالا من بەری هەر تشتەكی نە، لێ ئەز فێر بوویمە كێمترین دەم بۆ خۆ مفای ژێ وەربگرم دا كو بەرەف خەونێن خۆ بچم و رێكێ نەدەم ئاستەنگ نەبنە رێگر ل بەر كارێ منێ هونەری، بۆ پاشەرۆژی ژی من دڤێت كارێ خۆ پتر پێشبێخم و داهێنانێ بكەم و تشتی گرنگ ئەوە مرۆڤی باوەری ب خۆ هەبیت دا كو ئەو كارێ تۆ ل گۆشەیەكا بچووك ل مالا خۆ دكەی رۆژەكێ ببیتە جهەكێ مەزنتر، هەروەسا پەیاما من بۆ هەر كچەكا بەهرەمەند ئەوە باوەریێ ب خۆ و شیانێن خۆ بینن و ب وان كەرەستەیێن تە ل بەردەست هەین كاربكە و گوهداریا ئاخفتنێن هندەك كەسان نەكە دا باوەریا تە كێم نەبیت.