مه‌ترانه‌كێ دهۆكێ دبیته سه‌رۆكێ كه‌نیسا رۆژهه‌لات یا ئاشووریان
ئه‌ڤرۆ نیوز: ڤه‌ده‌ر ره‌شاڤایی:
ل كه‌نیسا ماریوحه‌نا مه‌عمه‌دان ل باژێركێ عه‌نكاوه ل هه‌ولێرێ د كونگره‌یێ رۆژنامه‌ڤانیێ سینهاد دوسێ پیرۆز یێ كه‌نیسا رۆژهه‌لاتا ناڤین دا، مار گورگیس وه‌ك سه‌رۆكێ كه‌نیسا رۆژهه‌لات یا ئاشووریان هاته هه‌لبژارتن.
د كۆنگره‌ی دا پشتی سێ ڕۆژێن كۆمبوونێن نه‌ئاسایى یێن مه‌تران و ئه‌سقه‌فێن كه‌نیسان كو ل ئه‌وروپا و ئه‌مریكا و هندستان و رووسیا و ئوسترالیا و نیوزله‌ندا و سووریا و لوبنان و وه‌لاتێن دی هاتبوون، ل هه‌ولێرێ پایته‌ختا هه‌رێما كوردستانێ هەڵبژارتنه‌كا نهێنى بۆ ده‌ستنیشانكرنا سه‌رۆك و پاتریاكێ ١٢١ـه‌مین یێ كه‌نیسا ئاشورییا ل جیهان ێ هاته ئه‌نجام دان، د كۆنگره‌ی دا هاته راگه‌هاندن كو مه‌ترانێ عێراق و ڕووسیا مه‌تران مارگورگیس وه‌ك سه‌رۆكێ كه‌نیسا رۆژهه‌لات یا ئاشووریان هاته هه‌لبژارتن ب ناڤونیشانێن قه‌داسه‌تا پاتریاك مارگورگیس سلیوایێ سێیێ.
قه‌داسه‌تا مارگورگیس سڵێوە‌یێ سێیێ ، خه‌ڵكى باژێرێ دهۆكێ یه و ده‌رچوویێ زانكۆیا به‌غدایه.
