مهترسیا هشكبوونێ ل سهر 40 بیرێن دهۆكێ یا ههی
دهۆك، لهزگین جوقی:
رێڤهبهرێ ئاڤا دهوروبهرێن پارێزگهها دهۆكێ دیار كر، كێم بارینا رێژا بارانێ د ئهڤ ساله دا بوویه ئهگهر مهترسیا هشكبوونێ ل سهر 40 بیرێن ئاڤێ دروست ببیت، ههتا نوكه دو بیر ژ وان هشكبووینه ژی و دبێژیت: ل دهڤهرا بهردهڕهش و شێخان پتر مهترسی ل سهر هشكبوونا بیرێن ئاڤێ یا ههی.
خهلات ئهمین، رێڤهبهرێ ئاڤا دهوروبهرێن پارێزگهها دهۆكێ بۆ رۆژناما ئهڤرۆ خویا كر، پلانهك ب پشتهڤانیا حكومهتا ههرێما كوردستانێ بۆ دابینكرنا ئاڤێ ل ههموو دهڤهرێن سهر پارێزگهها دهۆكێ ڤه هاتیه دانان، ب تایبهتی ژی ههكه هات ژێدهرێ ئاڤا گوندهكی یان كۆمهلگهههكێ یان ههر جههكێ ئاكنجیبوونێ هشك ببیت، رێیێن پێگوهۆڕ دێ هێنه بكارئینان و بیرهكا دی دێ بۆ هێته كۆلان و گۆت: “بۆ ڤێ مهرهمێ ژی مه پیشنیازا گوژمێ نێزیكێ سێ ملیار دیناران بۆ بهرهنگاریا هشكهسالیێ و دابینكرنا ئاڤا ڤهخوارنێ بۆ وهلاتیان یا كری”.
گۆتژی: “ل دهڤهرا بهردهڕهش و شێخان پتر مهترسی ل سهر هشكبوونا بیرێن ئاڤێ یا ههی، ب شێوهیهكێ گشتی نوكه مهترسی ل سهر نێزیكی 40 ژێدهرێن ئاڤێ یا ههی، بۆ ڤێ مهرهمێ ژی، مه ل گهل ئێدارا پارێزگهها دهۆكێ پلانهكا باش یا دانای بۆ دابینكرنا ئاڤا ڤهخوارنێ بۆ وهلاتیان دهمێ ژێدهرهكێ ئاڤێ هشك ببیت”.
ناڤهاتی زێدهتر گۆت: “ئهم دخوازین ولاتی ژی ل گهل مه د ههڤكار بن و ههر تشتهكێ پێدڤی بیت بۆ دابینكرنا ئاڤێ بۆ وهلاتیان دێ ئهنجام دهین”.