مه‌سرور بارزانى جه‌ژنا قوربانى ل مالباتێن شه‌هيدان وپێشمه‌رگه‌ى پيرۆز دكه‌ت
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى جه‌ژنا قوربانى يا پيرۆز ل مالباتێن شه‌هيدان وپێشمه‌رگه‌ى پيرۆز دكه‌ت وداخوازكر خه‌لك ولايه‌نێن كوردستانه پرۆسا هه‌لبژارتنان ب سه‌ربێخن.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ دپه‌يامه‌كێ دا ب هه‌لكه‌فتا جه‌ژنا قوربانى يا پيرۆز گۆت” هاتنا جه‌ژنا قوربانى يا پيرۆز ل مالباتێن سه‌ربلندێن شه‌هيدان وپێشمه‌رگێ قه‌هره‌مان وده‌زگه‌هێن ئه‌منى وموسلمانێن كوردستانێ وجيهانێ پيرۆز دكه‌م، هيڤيا جه‌ژنه‌كا ئارام بۆ هه‌موو لايه‌كى دخوازم”.
گۆت ژى” داخوازێ ژ خه‌لك ولايه‌نێن كوردستانى دكه‌ين پرۆسا هه‌لبژارتنێن په‌رله‌مانێ كوردستانێ ب ئيراده‌كا نيشتمانى سه‌ربێخن، بۆ وێ چه‌ندێ ببيته هۆكاره‌كێ دى بۆ سه‌قامگيرى وپێشكه‌فتنا وه‌لاتێ مه وبده‌ستڤه‌ئينانا ئه‌و ئارمانج وهيڤى يێن خه‌لكێ كوردستانێ چاڤه‌رێ دكه‌ن”.
