مه‌سرور بارزانی دێ پشكداریێ د كۆربه‌ندێ جیهانی یێ وزێ دا كه‌ت
سه‌رۆكێ حوكمه‌تا هه‌رێما كوردستانێ، مه‌سرور بارزانی ب سه‌ره‌دانه‌كێ گه‌هشته وه‌لاتێ ئیمارات بۆ پشكداریكرنێ د كۆربه‌ندێ جیهانی یێ وزێ دا كو دێ ل هه‌ردو رۆژێن 27 و 28 ئادارێ ل باژێرێ ئه‌بو زه‌بی هێته ئه‌نجامدان و چه‌ندین به‌رپرس و شاره‌زایێن بوارێ وزێ پشكداری تێدا دكه‌ن و سه‌رۆكێ حوكمه‌تا هه‌رێما كوردستانێ، ئێك ژ وان كه‌سایه‌تیێن سه‌ره‌كی یه كو په‌یڤه‌ك د كۆربه‌ندی دا دێ هه‌بیت. هه‌روه‌سا سه‌رۆكێ حوكمه‌تا هه‌رێمێ دێ پشكداریێ د كۆپیتكا جیهانی یا حوكمه‌تان دا كه‌ت كو سالانه ب پشكداریا چه‌ندین به‌رپرس و كه‌سایه‌تیێن ناڤدارێن جیهانی ل باژێرێ دوبه‌ی دهێته ئه‌نجامدان و ئه‌ڤ ساله‌ژی ئه‌و كۆپیتكه ل رۆژێن 29 و 30 ئادارێ دێ هێته ئه‌نجامدان.
