مه‌سرور بارزانی ل گه‌ل برێت ماكگۆرك كۆمبوو
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى ئه‌ڤرۆ سێشه‌مبى 18/9/2018 ل گه‌ل برێت ماكگۆرك، هنارتيێ تايبه‌تێ سه‌رۆكێ ئه‌مريكى بۆ هه‌ڤپه‌يمانيا شه‌رێ دژى داعشێ وشاندێ دگه‌لدا كۆمبوو.
د وێ كۆمبوونێ دا كو دۆگلاس سيليمان باليۆزێ ئه‌مريكا ل عيراقێ وستيڤن فاگن كونسۆلێ ئه‌مريكى ل هه‌ولێرێ به‌رهه‌ڤبووين، دانوستاندنێن به‌رده‌وام يێن پێكئينانا حوكمه‌تا نوو يا نيشتمانى وبنكه فرهه ل عيراقا فيدرال ورۆلێ هه‌رێما كوردستانێ هاته به‌حسكرن.
مه‌سرور بارزانى، دووپاتى ل سه‌ر هه‌ڤپشكيا ب هيز دناڤبه‌را هه‌رێما كوردستانێ وئه‌مريكا وگرنگيا هاريكاريا له‌شكرى وئه‌منى يا درێژخايه‌ن كر.
