مه‌سرور بارزانی وفه‌رماندێ ئوپه‌راسیۆنێن تایبه‌ت یێن ئه‌مریكا كۆمبوو
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانی، ئه‌ڤرۆ چارشه‌مبی 6/2/2019 پێشوازی ل جه‌نه‌رال (پاتریك رۆبه‌رسۆن) فه‌رماندێ ئوپه‌راسیۆنێن تایبه‌ت یێن ئه‌مریكا ل عیراقێ وسووریێ وشاندێ دگه‌لدا كر.
ددیداره‌كێ دا دووماهی پێشهاتێن ده‌ڤه‌رێ ب گشتی وقۆناغێن شه‌رێ تیرۆرستان هاته به‌حسكرن، ل دۆر ره‌وشا رۆژهه‌لاتا فوراتێ ل سووریێ، مه‌سرور بارزانی ئاماژه دا، ب پێدڤی دهێته زانین هێز ولایه‌نێن سیاسی یێن رۆژئاڤا بگه‌هنه رێككه‌فتنێ ولێكتێگه‌هشتنا هه‌ڤپشك ل سه‌ر هه‌موو پرسان بۆ وێ چه‌ندێ دگوهۆرینان دا مافێن گه‌لێ كورد بهێنه جهگیركرن.
هه‌ر دوێ دیدارێ دا، لڤینێن داعشێ ل هنده‌ك ده‌ڤه‌رێن عیراقێ ورۆل وهه‌ماهه‌نگیا دناڤبه‌را هێزێن هه‌ڤپه‌یمانان وعیراقێ وهه‌رێما كوردستانێ هاته به‌حسكرن وروناهی خسته سه‌ر میكانیزمێن رێگرتنێ ل گه‌شه‌كرنا زێده‌تر یا گرۆپێن تیرۆرستی ل ده‌ڤه‌رێ.
