مه‌سرور بارزانی: پێدڤیه ئه‌و مێشكێ ل پشت ئه‌نجامدانا ڤان كاره‌سات و تاوانان، نه‌مینیت
سه‌رۆكێ حوكمه‌تا هه‌رێما كوردستانێ، مه‌سرور بارزانی، ب هه‌لكه‌فتا 34 سالیادا تاوانێن ئه‌نفالێن به‌هدینان په‌یامه‌ك به‌لاڤكر و تێدا راگه‌هاند، پێدڤیه ئه‌و مێشكێ ل پشت وێ تاوانێ بووی، نه‌مینیت.
ده‌قێ په‌یاما مه‌سرور بارزانی ب هه‌لكه‌فتا 34 سالیادا ئه‌نفالێن به‌هدینان:
د هه‌موێن ئه‌نفالێن به‌هدینان دا، كو دووماهی هه‌وێن ئه‌نفالان بوون، رژێما ئیراقێ، وه‌كو هه‌موو ده‌ڤه‌رێن دی یێن كوردستانێ، تاوانه‌كا دی یا هۆڤانه به‌رامبه‌ر خه‌لكێ ده‌ڤه‌را به‌هدینان ئه‌نجامدا و د ئه‌نجامێ وێ هه‌وێ دا كو چه‌كێ قه‌ده‌غه‌كری تێدا هاته بكارئینان، ب هزاران كه‌س هاتنه شه‌هید و بێسه‌روشوین كرن و ب ده‌هان هزار كه‌سان ژی ئاواره و ده‌ربه‌ده‌ر بوون و ب سه‌دان گوند ژی هاتنه وێران كرن.
د سالڤه‌گه‌را 34 یا ڤێ تاوانا درندانه‌دا، ب رێز و شكۆڤه بیرئینانا قوربانیێن ئه‌نفالێن به‌هدینان دكه‌ین و جاره‌كا دی ژی دووپات دكه‌ین، كو پێدڤیه حوكمه‌تا ئیراقێ ب گۆره‌ی دستووری، زیاندار و كه‌سوكارێن قوربانیێن هه‌وێن ئه‌نفالان و تاوانێن رژێما بۆری یا ئیراقێ، ب شێوه‌یه‌كێ شایسته، قه‌ره‌بوو بكه تكه مافه‌كێ ره‌وایێ خه‌لكێ سته‌ملێكریه كوردستانێ یه.
پێدڤیه ئه‌و مێشكێ كو ل پشت ئه‌نجامدانا ڤان كاره‌سات و تاوانان، نه‌مینیت و ریگری ل دووباره‌بوونا وان كۆمكۆژیان بهێته كرن.
