مه‌كگۆرك: توركيا رێ ب 40 هزار داعشان دابوو بچنه دناڤ سووريێ دا
ئه‌ڤرۆ نيوز:
برێت مه‌كگۆرك نوونه‌رێ به‌رێ يێ هه‌ڤپه‌يمانيا نێڤده‌وله‌تى يا دژى داعشێ راگه‌هاند، توركيا رێ ب 40 هزار داعشان ژ 110 وه‌لاتان دابوو به‌ر ب سنوورێن سووريێ بچن.
گۆت ژى” خيلافه‌تا داعشێ ل سه‌ر سنوورێ توركيا بوو و چه‌ند جاران ژى مه توركيا ئاگه‌هدار كربوو كو سنوورێ خوه دابخيت، به‌لێ ئه‌و چه‌نده نه‌كر”.
مه‌كگۆرك، ل دووڤ مالپه‌رێ العربيه، دياركر ژى” سه‌ره‌راى چه‌ندين داخوازيێن هه‌ڤپه‌يمانيا نێڤده‌وله‌تى، به‌رپرسێن توركيا بۆمه ديار دكر كو نه‌شێن سنوورێ خوه ل به‌رامبه‌ر داعشان دابخن”.
هه‌روه‌سا گۆت” ده‌مێ هێزێن كوردى شياين كونترۆلێ ل سه‌ر پشكه‌كا سنوورى بكه‌ن، به‌رپرسێن توركيا بله‌ز سنوورێ خوه داخستن و ديوار ل سه‌ر سنوورێ خوه دروست كر”.
