مه‌لايێ كوردێ داعش يێ گه‌فێن ستاندنا كه‌ركووك دكرن هاته كوشتن
ئه‌ڤرۆ نیۆز، قائید میرۆ
مه‌لا شوان كوردی ئێك ژ داعشێن كورد ل شه‌ڕێ كه‌ركووكێ ژلایێ هێزێن پێشمه‌رگه‌یڤه هاتیه كوشتن و ده‌زگه‌هێن ئه‌منی كوشتنا وى پشتڕاستكریه.
عه‌قید ئیدریس ره‌فعه‌ت، به‌رپرسێ حه‌ره‌كاتا ئاسایشا كه‌ركووكێ بۆ ئه‌ڤرۆ نیۆز گۆت” شه‌ڤا ئه‌ینی مه‌لا شوان كوردی، ب رێیا گرته‌یه‌كا ڤیدیۆیی نوچه‌یێ سه‌ركه‌فتنێ دده‌ته لایه‌نگرێن خوه، به‌لێ ل شه‌ڕێ كه‌ركووكێ هاتیه كوشتن و پشكنین بۆ ته‌رمێ وی هاتیه‌كرن، ده‌ركه‌فتیه ته‌رمێ مه‌لا شوانه.
عه‌قیدی گۆتژی” ئه‌م وه‌لاتیێن كوردستانێ پشتڕاست دكه‌ین مه‌لا شوان هاتیه كوشتن و ته‌رمێ وى دده‌ستێ هێزێن ئه‌منی و پێشمه‌رگه‌یدایه.
مه‌لا شوان كوردی، ئیمام و گوتار خوینێ مزگه‌فته‌كا ده‌وروبه‌رێ باژێڕێ هه‌ولێرێ بوو، هه‌یڤا 11ی سالا بۆری دگه‌ل خێزانا خوه چوویه ناڤ داعش.
