مه‌لا به‌ختيار ڤێ پێشنيارێ بۆ چاره‌سه‌ركرنا قه‌يرانا دارايى ل هه‌رێمێ دكه‌ت
ئه‌ڤرۆنيوز:
به‌رپرسێ ده‌سته‌يا كارگيريا مه‌كته‌با سياسى يا ئێكه‌تى نيشتمانى كوردستان راگه‌هاند، حوكمه‌تا عيراقێ ل چاره‌سه‌ركرنا كێشا بودجه‌ى ومووچێ فه‌رمانبه‌رێن هه‌رێما كوردستانێ يا خه‌سماره وپێشنياره‌ك ژى بۆ چاره‌سه‌ركرنا كێشێ به‌رچاڤكر.
مه‌لا به‌ختيار به‌رپرسێ ده‌سته‌يا كارگيريا مه‌كته‌با سياسى يا ئێكه‌تى نيشتمانى كوردستان، ئه‌ڤرۆ دوشه‌مبى 25/12/2017 دبه‌رپه‌رێ خوه ل تۆرا جڤاكى يا فه‌يسبووكى به‌لاڤكر” ل ڤێ ره‌وشا ئابوورى وسياسى يا عيراقێ وهه‌رێما كوردستانێ تێدا دبۆرن، ئاسوويێن چاره‌سه‌ركرنا كێشێن ئابوورى ديار نينن”.
مه‌لا به‌ختيارى ئاشكراكر ژى” هه‌كه دانوستاندن ژى ده‌ست پێ بكه‌ن، ئێكسه‌ر چاره‌سه‌رى ناهێته دين، يا دياره ژى كو حوكمه‌تا عيراقێ يا خه‌مساره دچاره‌سه‌ركرنا كێشا بودجه‌ى ومووچه‌ى”.
ناڤبرى پێشنياره‌ك بۆ چاره‌سه‌ريا كێشا بودجێ هه‌رێما كوردستانێ ومووچه‌ى كر وگۆت” هه‌كه نه‌شێن قه‌ران ژ به‌نك وده‌وله‌تان بۆ چاره‌سه‌ريا قه‌يرانان بكه‌ن، تاكه چاره‌سه‌رى فرۆشتنا ئه‌رد ومولك وباخ وخانيێن بێ تابۆيه كو دێ ب مليارا دۆلاران ژڤان مولكێن بێ تابۆ ژخانه‌قينێ هه‌تا زاخۆ هێنه بده‌ستڤه‌ئينان”.
به‌رپرسێ ده‌سته‌يا كارگيريا مه‌كته‌با سياسى يا ئێكه‌تى نيشتمانى كوردستان، مه‌نده‌هوشيا خوه دياركر كا بۆچى حوكمه‌تا هه‌رێما كوردستانێ هه‌تا نوكه ئه‌ڤ پێنگاڤه نه‌هاڤێتيه.
