مه‌لا به‌ختیار : پێچان و نه‌پێچانا ئالایێ عیراقێ لسه‌ر ته‌رمێ مام جه‌لال يا گرنگ نيه

ئه‌ڤرۆ نیوز ، هلورى:
ئه‌ڤرۆ هژماره‌كا زور یا كه‌ساتیێن هه‌رێما كوردستان و عیراقێ و باكوورێ كوردستانێ سه‌را ته‌رمێ مام جه‌لال ل ده‌باشان كر ، دچارچوڤێ رێورسمێن دانانا تاجه‌ گولان دا مه‌لا به‌ختیار به‌رپرسێ ده‌ستیا كارگێرى یا ئێكه‌تیا نیشتمانیا كوردستانێ دیاركر كو نه‌پێچانا ئالایێ عیراقێ ب ته‌رمێ مام جه‌لال ڤه‌ ژلایێ وان گه‌له‌ك یا گرنگ نینه‌ و ڤى َیه‌كێ چوو په‌یوه‌ندى ب سه‌ركرداتیا سیاسیا كوردستانێ و حكومه‌تا هه‌رێمێ ڤه‌ نینه‌.
گه‌له‌ك ژ به‌رپرسێن عیراقێ و راگه‌هاندنێن وان دوهى بایكوتا پشكداریا رێورسم و ڤه‌گوهاستنا رێورسمێن پێشوازى و ڤه‌شارتنا ته‌رمێ مام جه‌لال نه‌بوون و بایكوت كر و ئه‌گه‌ر ژى ئه‌و بو كو ته‌رمێ مام جه‌لال ب ئالایێ كوردستانێ هاتبویه‌ پێچان نه‌ك ئالایێ عیراقێ ، ئه‌ڤێ یه‌كێ ژى كارڤه‌دانێن مه‌زن پشت خوه‌ هێلان.
مه‌لا به‌ختیار زێده‌تر دبێژیت: ( هه‌ر ئێك ژ سه‌رۆكێ هه‌رێما كوردستانێ و ئێكه‌تیا نیشتمانیا كوردستانێ و لایه‌نێن سیاسیێن دن ئاگه‌هدارێ رێورسمێن پێشوازیا ته‌رمێ مام جه‌لال نه‌بوون و ئه‌و به‌رپرس ژى نینن ، به‌لكو ئه‌ڤ یه‌ك راسته‌وخو په‌یوه‌ندى ب كارێن پروتوكولا رێورسمێن پێشوازیا ته‌رمێ مام جه‌لال ڤه‌ هه‌یه‌ و مه‌ چوو كار و ده‌ستێوه‌ردان دكارێن پرۆتوكولێ نه‌كریه‌ ، و لایێ مه‌ گرنگ ژى نینه‌ كو ئالایێ عیراقێ ب ته‌رمێ مام جه‌لال نه‌هاتیه‌ پێچان و یان ژى هاتبایه‌ پێچان ، ئه‌وێت كو بایلكوتكرى و زڤرینه‌ ڤه‌ ئه‌و شاش د بابه‌تى گه‌هشتینه‌ و هزركر ئه‌ڤ یه‌ك بریارا سه‌ركراتیا كوردستانێ و حكومه‌تێ بوویه‌)

کۆمێنتا تە