مه‌لا كرێكار جاره‌كا دى هاته ده‌سته‌سه‌ركرن
ئه‌ڤرۆ نيوز:
ب گۆره‌يى نووچه‌كێ مالپه‌رێ دووربيت، يێ نێزيكى سه‌رۆكێ به‌رێ يێ گرۆپێ ئه‌نسارولئيسلام، راگه‌هاند كو پۆليسێن وه‌لاتێ نه‌رويژ دووباره مه‌لا كرێكار ده‌سته‌سه‌ر كر.
ب گۆره‌يى وى نووچه‌يى، پۆليسێن نه‌رۆيژ ب به‌هانه‌يا چاڤپێكه‌فتنا مه‌لا كرێكار ل گه‌ل كه‌نالێ ئێن ئار كۆى نه‌رويژى دچنه سه‌ر خانيێ وى و ده‌سته‌سه‌ر دكه‌ن و ڤه‌دگوهێزنه جهه‌كێ نه‌ديار نوكه مژوولى پشكنينكرنا مالا وى نه.
هه‌ر ب گۆره‌يى وى نووچه‌يى مه‌لا كرێكار پشته‌ڤانيا هێرشكرنا سه‌ر كۆڤارا شارلى ئيبدۆ يا فره‌نسى كريه و گۆتيه: “ئه‌و كه‌سێ كاريكاتۆرێ پێغه‌مبه‌رى كێشايى، هه‌ژى كوشتنێ يه”.
ديسا پشته‌ڤانيا گه‌نجێن نه‌رويژ كريه كو بچن پشته‌ڤانيا داعش بكه‌ن و هنده‌ك دێكيۆمێنتێن زيندانيكرنا خوه يێن به‌لاڤكرين.
