مه‌هرداد مه‌جیدى: دێ فلمه‌كێ ل سه‌ر قاره‌مانیا ژنێن كورد دروست كه‌ت
ئه‌ڤرۆ نیوز، زنار تۆڤى:
ده‌رهێنه‌رێ كورد مه‌هرداد مه‌جیدى، كو خه‌لكێ رۆژهه‌لاتێ كوردستانێ یه، د دیداره‌كێ دا، بۆ ئه‌ڤرۆ نیوز دیار كر: ئه‌ڤه ده‌مێ 30 سالانه ئه‌و د وارێ سینه‌مایێ دا كار دكه‌ت، هه‌روه‌سا ئه‌ڤه 12 ساله ئه‌و ژ ده‌رڤه‌ى وه‌لاتێ ئیرانێ كار دكه‌ت، دیسان وى ب فلمێ درێژ یێ ب ناڤێ ” باوه‌رى” پشكدارى د حه‌فته‌مین فلمه فیسته‌ڤالا دهۆكێ دا كریه، كو ئه‌ڤ فلمه 85 خوله‌كان یێ درێژه و پترى 20 ئه‌كته‌ران پشكدارى تێدا كریه و ئه‌كته‌رێن ڤىفلمى ژى هه‌موو كوردن، ڤى فلمى چه‌ندین خه‌لات وه‌رگرتینه، هه‌روه‌سا وى هه‌تانوكه پترى 100 فلمان به‌رهه‌مئیناینه، ناڤه‌رۆكا پتریا فلمێن وى ل سه‌ر كێشێن جڤاكینه ل رۆژهه‌لاتێ كوردستانێ، دیسان نوكه ئه‌و مژوولى چێكرنا فلمه‌كێ یه ل سه‌ر قاره‌مانى و رۆلێ ژنا پێشمه‌رگه ل كوردستانێ، ئه‌و دێ ل گه‌له‌ك جهان ڤى فلمى وێ نه‌كه‌ت.
ناڤهاتى ئه‌و ژى گۆت: ئاستێ سینه‌مایێ ل رۆژهه‌لاتێ كوردستانێ د قۆناغه‌كا باش دایه و كارێن باش هاتینه ئه‌نجامدان، هه‌ر چه‌نده ره‌وشا ژیانێ ل رۆژهه‌لات د دۆخه‌كێ ته‌نگاسیدا دبوریت، دیسا چ كه‌س و ئالى ژى هاریكاریا مه ناكه‌ت د وارێ سینه‌مایێ دا، هه‌روه‌سا گه‌له‌ك سانسۆر ل سه‌ر هونه‌ر و سینه‌ما كوردى ل رۆژهه‌لات هه‌یه، هه‌تانوكه كه‌سێ هاریكاریا من نه‌كریه د چێكرنا فلمان دا، هه‌تاڤ ى ده‌مى وى پترى 100 خه‌لاتان ل فلمه فیسته‌ڤالێن جیهانى دا وه‌رگرتینه.
