موزەخانەکا نێڤدەولەتی ل نیزیک مالتا و گەڤەرکێ دێ ھێتە دانان.
ئه‌ڤرۆ نيوز:
د. حەسەن ئەحمەد قاسم رێڤەبەرێ شینوارێن پارێزگەھا دھۆکێ بۆ رۆژناما ئەڤرۆ گۆت: ل کوردستانێ مە گەلەک بزاڤ کرینە کو ئەڤ رێڤەبەریە بیتە دەستەک ل گەل ئەنجوومەنێ وەزیران یان سەرۆکاتیا ھەرێمێ یان ئەنجوومەنێ ئاسایشێ دا بشێت کارێ خوە برێڤەبەت، لێَ ھەتا نوکە پەرلەمانی چ قانوون بۆ کەلتوری و شینواران نەدەرخستی یە لەوما ئەڤ کەرتە پاشڤە مایە و جھێ خوە نەگرتیە و پێدڤی یە ب قانوون پەرلەمانی ئەڤ رێڤەبەریە ب ئەنجوومەنێ ئاسایشێ ڤە گرێدابا، وی دەمی دێ پتر دەست ھەلات مە ھەبن و دێ پتر شێن خزمەتا جھێن شینواری کەت، دێ رۆلێ خوە پتر گێریت و دێ ئەکادیمی بیت و ھەموو جیھانێ ئەڤ دەزگەە سەر ب ئاسایشا نەتەوەیی ڤە و سەردەمێ رژێمێ ژی سەر ب دیوانا سەرۆکاتیا کوماری ڤە بوو.
د. حەسەن ئەحمەد قاسم، ھەکە چوو سەر ب ئەنجوومەنێ ئاسایشێ ڤە دێ ڤێ رێڤەبەریێ کەساتیەکا باش دروست بیت، دێ پاراستنا ھەموو جھێن شینواری کەت و دێ پتر دەست ھەلات ھەبیت و دێ پتر کارێن خوە ئەکادیمی ئەکتیف کەت ل گەل زانکویێن بیانی و نافخوە و نوکە مە چ دەست ھەلاتا نین بۆ دروستکرنا گرێبەستا و کارێن مەزن و ھەموو د دەستێ رێڤەبەریا گشتی یا شینواران ل ھەولێرێ ڤە.
ھەمبەر پەیوەندیێن رێڤەبەریا شینواران ل گەل زانکۆیێن بیانی و نەکارکرن ل گەل زانکویێن نافخوە، د. حەسەن گۆت: خواندنا زانکویێن بیانی ھەموو ڤەکولینێن زانستی نە و پتر مفایی دگەھینە جڤاکێن خوە و ھەموو جیھانێ و مە پتر دەلیڤە ھەیە لگەل ئەڤان زانکۆیان کاربکەین و ڤەکولینان ل گوڤاریێن زانستی دا بەلاڤە دکەن و ھەموو کارێ وا ڤەکولینە و ئەڤە ل دەف زانکویێن نافخویی یێ لاوازە و نە ل ئاستێ پێدڤی یە و مامۆستایێن زانکۆیێن کار دکەن وەک بەرھەم ل گوڤارێن زانستی یێن نیڤ دەولەتی و پشکداری ل کونفرانسێن جیھانی دا دلاوازن و دئەکتیف نین، دڤێت زانکۆ رێنیشادەرەک بیت بۆ حوکمەتێ و پلانا بدەتە حوکمەتێ و بەر رۆنیەکێ بدەتە حوکمەتێ و رۆلێ خوە بینت و ھەتا نوکە مە کونتاکەکا باش گەل زانکویێن دھۆکێ و مە پتر کونتاک ل گەل زانکویێن ئەمریکی و بیانی ھەنە و مە پتر پرۆژە پێکڤە ھەنە.
د. حەسەن ئەحمەد قاسم ئەو ژی گۆت: پشکا شینواران ل زانکۆیێ گرنگە بھێتە ڤەکرن و بەری پشکا شینوار ل زانکۆیا سەلاحەدین ڤەکەین مە پلان ھەبوو ل زانکۆیا دھۆکێ ڤەکەین، زانکۆیا دھۆک رازینەبوو و ھەتا نوکە نەھاتیەڤەکرن و دبینم گرنگە ئەڤ پشکە بھێتەڤەکرن.
ھێشتا ژی گۆت: مە پلان ھەبوو موزەخانەکێ ل سەر 60 دونەمێن عەردی ل نێزیک مالتایێ و گەڤەرکێ دانین و رازیبوون ھاتیە وەرگرتن و بوویە پرۆژە و ل تەندەرا مایە و ژ بەر کاودانێن نوکە ئەڤ پرۆژە ھاتیە راوستاندن و ھەکە دەست ب کار بوو دێ موزەخانەکا نیف دەولەتی ھێتە دروستکرن چنکو ئەڤ جە تێرا مەناکەت و مە ڤێت ڤی کەرتی پێش بێخین دا کەرتێ گەشتیاری ب شێوازێ ئەکادیمی پێش بێخین و خورتکرنا شەنگستێ ئابووری ل دھۆکێ.
پرۆفیسور دانیار موراندی ل زانکۆیا ئودونی ل وەلاتێ ئیتالیا، کو رێکخەری ل گەل رێڤەبەریا شینوارێن پارێزگەھا دھۆکێ ھەیە بۆ ئەڤرۆ گۆت: ماوێ شەش سالە ل گەل رێڤەبەریا شینواران کار دکەین، پێشتر ئەم ھایداری کارێ دکتور حەسەن و رێڤەبەریا شینوارێن دھۆک بووین و گەلەک کاردکرن و وی کاری دەنگڤەدان دروستکربوو ل جیھانێ لەوما مە ڤیا ل گەل ئێک کار بکەین، زانکۆیا مە ھزر دکە دھۆک یا دەولەمەندە ب شینواران، مە حەز کر ڤەکولینان بکەین و مە ڤێت پرۆپاکندا ھێشتا بەرفرەە بکەین کا چەوا بشێن جھێن کەلتوری پارێزیت چونکو ھەموو پشکەکن ژ کەلتورێ مرۆڤایەتیێ نەبتنێ کوردستانێ.
