موشەکێن ئیرانی دێ رومادی ب تمامی کاڤل کەن
ئەڤرۆ نيوز:
ژێدەرەکێ ئاگەھدار بۆ مالپەرێ عەرەبیە راگەھاند کو کۆمبوونەکا نھێنی د ناڤبەرا ھادی عامری سەرۆکێ حەشد شەعبی و مەزنە ئەفسەرێن ھەوالگیریا پاسدارێن ئیرانێ ھاتیە ئەنجامدا بۆ دابینکرنا ١٠٠ موشەکێن سکۆد بۆ حەشد شەعبی داکو ل شەڕێ گرتنا رومادی بکار بینن و ب تمامی کاڤل بکەن.
وی ژێدەری ئاشکرا کریە کو کاروانێ ئێکێ یێ وان موشەکان گەھشتیە قەزا نخێب و ل ڤێ قەزایێ ل نێزیک باژێرێ کەربەلا کو ھەڤسنورە ل گەل پارێزگەھا ئەنبار دێ ھێنە بنەجە کرن.
خویا ژی دکەت کو ھەماھەنگیەکا ب ھێز د ناڤبەرا سوپایێ پاسداران و ھێزێن حەشد شەعبیدی دا ھەیە، ب تایبەتی پشتی کەفتنا باژێرێ رومادی و شەحد شەعبی دێ فەرمانان بۆ بکارئینانا وان موشەکان ژ پاسدارێن ئیرانێ وەرگرن.
