موفتیێ داعشی ل موسل هاتە دەستگیر کرن
ئەڤرۆ نیوز:
ئەڤرۆ پێنجشەمبی شانا راگەهاندنا ئەمنی ل عیراقێ دەستگیرنا سەرکردەکێ رێکخراوا تیرۆرستی یا داعشێ راگەهاند، کو موفتیێ داعشێ بوو ل موسل.
شانا راگەهاندنا ئەمنی ل عیراقێ دیار کر، فەوجا سواتێ یا سەر ب فەرماندا پۆلیسێن نەینەوا پشتەڤانیا زانیاریێن هوور یێ هەوالگیریێ، شیفا نعمەت یێ ناسیار ب ئەبو عەبدولباری، بەرپرسێ شەرعی و موفتیێ داعشێ ل گەرەکا مەنسور یا بەرێ راستیێ یێ موسل دەستگیرکریە.
هەروەسا گۆتیە، ئەبو عەبدولباری ئێک ژ سەرکردێن رێزا ئێکێ یا رێکخراوا داعشێ دهێتە دانان، بەرپرسێ دەرکرنا فەتوایا تایبەت ب سێدارەدانا هژمارەکا زانا و زەلامێن ئایینی بوویە، هەروەسا ئەبو عەبدولباری فەتوایا تەقاندنا مزگەفتا نەبی یونس دایە.
