موقتەدا سەدر 45 ڕۆژ دەلیڤە دانە عەبادی

ئه‌ڤرۆ نيوز:

سەرۆکێ ڕەوتێ سەدری ڕەخنێن توند ئاراستەی حوکمەتا بەرێ یا عیراقێ کرن و دیارکر ھەکە چاکسازی نەھێتە کرن، دێ مانگرتن و خوەنیشادانێن مەزن دەستپێکەن و ھەتاکو 45 ڕۆژێن دی، دێ باوەریێ ژ حوکمەتا عەبادی کێشین.
موقتەدا سەدر د گۆتارەکێ دا گوت” حوکمەتا بۆری (مەرەم پێ یا نوری مالکی) عیراق گەھاندە قۆناغا ئەڤرۆ ل سەر لێڤا ئاگری و ھەکە چاکسازی نەھێنە کرن، دێ خوە ژ حوکمەتێ ڤەکێشین”.
سەدری حوکمەتا مالکی ب فرۆتنا ئاخا عیراقێ تۆمەتبارکر و داخوازکر تاوانبارێن کەفتنا مووسلێ و کوشتارا سەربازگەھا سپایکەر بھێنە سزادان.
سەرۆکێ ڕەوتێ سەدری، ئەنجام نەدانا چاکسازیێ ب خیانەت ل گەلێ عیراقێ ھژمارت و گوت” دڤێت پێداچوون ب وان گرێبەستاندا بھێتە کرن ئەوێن پشتی ژناڤبرنا ڕژێما بەعس و ھەتا نوکە ھاتینە گرێدان”.
موقتەدا سەدری ھوشداریەکا توند دا حەیدەر عەبادی و گوت”ھەکە چاکسازی نەھێتە کرن، دێ مانگرتن و خوەنیشادانێن مەزن کەین و ھەکە ددەمێ 45 ڕۆژان دا، ئەنجامێن چاکسازیا عەبادی دیار نەبوون، دێ باوەریێ ژێ کێشین”.

کۆمێنتا تە