مونیب مەلا محەمەد ئاکرەیی: دێ بزاڤێن ڤه‌كرنا زانكۆيا ئاكرێ كه‌ين
ئەڤرۆ نيوز:
مونیب مەلا محەمەد ئاکرەیی،بەربژارێ ژمارە 18 لسەر لیستا 183 ێ یا پارتی دیموکراتی کوردستان، بەرنامێ کارێ خوە بۆ روژناما ئەڤرۆ راگەھاند، پشتی ب دەستڤەئینانا باوەریا ھاولاتیێن کوردستانێ ھەکە بۆمە پەرلەمانتار، ئێکەم کاری َمن دێ بجھکرنا کارناما پارتی دیموکراتی کوردستان بیت ئەوا ھاتیە دارشتن بۆ چارسالێن خولا پێنجێ یا پەرلەمانێ کوردستانێ، ھەلبەت کارنەمەکە دبەرژەوەندیا گشتی دا یەو ژبۆی باشترکرنا ژیان و ژیارا ھاولاتیان ھاتیە دانان، نوکە کاری َمن ماموستایێ زانکویێ مە دێ ئێکەم کارێ من بزاڤکرن بیت بۆ ڤەکرنا زانکویا ئاکرێ و رێکخستن و بجھکرنا پێدڤیێن ماموستایێن زانکویی و بجھکرنا داخوازیێن وان ب رێکا حوکمەتا ھەرێما کوردستانێ و جھێن شولەژی خودان بریار ل گەل بەرەڤانی کرن ل ماف و خواستێن ماموستیا ب گشتی تایبەت یێن زانکویێ و کارکرن ژبۆی ڤەگەراندنا ئاستەکێ باشترو بلند تر بۆ کەرتێ پەروەردێ ڤەگەراندنا ژیانەکا باشتر بۆ ماموستایا.
مونیب محەمەد گوتژی : ژلایێ کەرتێ ساخلەمیێ ڤە ژبەرکو من نەخوشێن ھەلگرێن تالا سیمایێ دمالدا ھەنە ھەست ب ژانێن وان دکەم وەک ھەمو کەسێن نەخوش ھەی دێ ھەمو کارو شیانێن خوە مەزێخم بۆ دابینکرنا دەرمانێن پێدڤی بۆ نەخشوێن تالاسیمایێ و کارکەم ژبۆی ڤەکرنا نەخوشخانەکا موخا ھێسکی ل کوردستانێ بۆ چارە کرنا نەخوشیا شێرپەنجێ ،دێ کارکەم ژبۆی کو حوکمەت موچێن نەخوشێن تالا سیمایێ بێ پاشکەفت دابەشبکەت ژیان و ژیارا وان باشتر بکەم ژ ھەمو لایەکێ ڤە ،ھەلبەت ژبۆی ئاکرێ دێ کارکەم کو ھژمارەکا مەزن پروژێن وەبەر ھێنانێ بھێنە ئاڤاکرن و بجھکرن ژبەرکو ئاکرێ باژێرەکێ کەڤن و دێرینە و خودان چەندین جھێن گەشت و گوزاری یێن بناڤ و بانگ و جھێن شونەواری یە پێدڤیە پتر گرنگی ب کەرتێ گەشت و گوزارێ بدەین ل دەڤەرێ بۆ باشتر راکێشانا گەشتیارا بۆ ئاکرێ و بۆ وێ چەندێ ئابۆریا خەلکی باشتر بیت و کەرتێ چاندنا دەڤەرێ ژی ببیتە پشتەڤانەک ل دەمێ گەشتیار قەستا ئاکرێ دکەن بەرھەم ژی بھێتە فروتن ژ چەندین لایان ڤە مفا بگەھیت خەلکێ دەڤەری دەرفەتێن کاری ژی زێدەر بن ژبۆی ئەو کەسێن بێکار ل دەڤەرێ، ژلایەکێ دیڤە باژێرێ کەڤنێ ئاکرێ نوکە گەڤێن گرتنێ لسەر ھەنە ژبەر نەبۆنا کریارا پێدڤیە رێ بھێنە ڤەکرن کو گەشتیارێن بیانی پتر قەستا باژێرێ کەڤن بکەن ژبۆی کو بازارێ کەڤن کارا بیتەڤە و کریار قەست بکەتی.
مونیب دیارکر، ژبۆی ھێزێن پێشمەرگەی کەس و کارێن سەربلندێن شەھیدا دێ کارکەین بۆ ژیانەکا باشتر خوشتر ژبەرکو پەرلەمان بەرھەمێ خوینا شەھیدێن کوردستانێ یە ھەرچی یا ژ دەست مەبھێت بۆ کەس و کارێن سەربلندێن شەھیدان دێ کەین خو ب قەردارێ کەس و کارێن وان دبینن ، دێ بزاڤا کەین بۆ ئێکگرتنا ھێزێن پێشمەرگەی و دابینکرنا ھەموو مافێن پێشمەرگان و مافێن پێشمەرگەیێن بریندارو کێم ئەندام، دێ کارکەین ژبۆی بجھکرن و تەمامکرنا پروژێن ئاکنجیبۆنێ بۆ کەس و کارێن شەھیدان و پێشمەرگەیان .
مونیب محەمەد ئاشکرا کر : ھەردەما گەھشتێن پەرلەمانێ کوردستانێ دێ کارکەین ژبۆی وان پروژە قانونێن ل خولا چارێ نەھاتیە پەسەندکرن و کەفتینە کاری تایبەت پروژە قانونێ چاکسازیێ و نەھێلانا گەندەلیێ دێ ل گەل فراکسیونا پارتی دیمۆکراتی کوردستان ل پەرلەمانی کارکەین بۆ وێ چەندێ ب زوترین دەم ئەو پروژە قانونێن نەھاتیە پەسەندکرن تەمام بکەین و بێخینە دخزمەتا ھاولاتیێن کوردستانێ دا ،بۆ پاشەروژەکا گەشتر داخوازێ ل ھاولاتیێن کوردستانێ دکەم روژا 30 ێ ئیلولێ سەر سندوقێن دەنگدانێ بکەن و دەنگی بدەن لیستا ژمارە 183 ێ و ژمارە 18 بۆ وێ چەندێ ژیانەکا باشتر بۆ ھەمویان پشت راستبکەین.
