مووسل: داعش 13 چەکدارێن حەشد شەعبی کوشتن
ئەڤرۆ نیوز، نەوزاد ھلۆری:
ب گۆره‌ى نوچه‌كێ مالپه‌رێ القدس، شەڤا بووری ژ ئەگەرا درۆستبوونا شەرەکێ د ناڤبەرا چەکدارێن داعش و چەکدارێن حەشد شەعبی ل رۆژئاڤایێ باژێرێ مووسل 13 چەکدارێن حەشد شەعبی ھاتنە کوشتن و دناڤ وان ژی دا سەرکردێن پلە بلند ھەنە.
سەبھان کازم ئەلوەردی ئەفسەر ل فیرقەیا ئالیاتیا چوار یا سوپایێ عێراقێ دیارکر کو نێزیکێ 100 چەکدارێن داعشێ دەست ب ھێرشەکێ ب چەکێن گران و ناڤنجی و سڤک ڤە بو سەر سەنگەرێن حەشد شەعبی ل دەڤەرا تەلسفوک یا بیابانێن رۆژئاڤا موسلێ کر کو دکەڤیتە دناڤبەرا سووریا و عیراقێ و پشتی کو شەرەکێ گران دناڤبەرا وان دا روودایی ، چەکدارێن داعش ڤەکێشا ، بەلێ د وێ ھێرشێ دا 13 چەکدارێن حەشد شەعبی ھاتنە کوشتن کو دناڤ وان دا فەرماندەیێن سەربازیێن پلە بلند ژی ل گەل دابوون کو ئێک ژ وان بناڤێ ئەبو جەعفەر تەیار و سێ ئێکەیێن چەکداری ژی توشی زیانێن زور بوون.
ژلایەکێ دن ڤە عەقید ئەحمەد ئەلجبووری ل فەرماندەیا ئوپەراسیونا نەینەوا دیارکر کو دەڤەرا تەلسفوک جھەکێ زور مەترسیە بو سەر ھێزێن عیراقی و گۆت: ( سرۆشتێ جوگرافیا دەڤەرێ و ھەبوونا بیابانێ و سنورداریا وێ ل گەل سووریا ب رووبەرێ 800 کلیومەترێن چوار گوشە بویە سەدەم کو دەڤەر یا ب مەترسی بیت و ، دیسان ل رەخێ سووریا ژی ھێشتا دەڤەر ل بن دەستھەلاتا داعشێ دایە ژبەرڤێ یەڤ یەک بویە سەدەم کو جار جار چەکدارێن داعش ڤەلڤینان بکەن )
ئەڤ د دەمەکێ دایە کو ل چەند روژێن بوری حەیدەر عەبادی سەروک وەزیرێن عیراقێ سەرکەفتنا ھێزێن عیراقی ب روو ب رووبوونا لگەل داعش راگەھاندبوو.
