موولەتا 500 کارگەھان ھاتە ھەلوەشاندن
ئەڤرۆ نیوز:
رێڤەبەرێ پیشەسازی یا ھەرێما کوردستانێ ئاشکرا کر کو نێزیکی پێنج ھزار کارگەھان ل ھەرێما کوردستانێ ھەنە و ئەڤ رێژەیە بەر ب زێدەبوونێ یە، دیسا مەرجێن دانانا کارگەھان ل ھەرێمێ دێ ھێنە گوھۆرین.
ئاراز رەئوف، رێڤەبەرێ پیشەسازی یا ھەرێمێ بۆ رۆژناما ئەڤرۆ خویا کر، نوکە ئەو مژوولی دانانا بەرنامە و پلانەکا نوونە بۆ سالا داھاتی و ھەموو پارێزگەھێن ھەرێما کوردستانێ دێ ل دووڤ وێ پلانێ کارکەن و گۆت: “د وێ پلانێ دا ھزر ھاتیەکرن کو دڤێت ئەو کارگەە بھێنە دانان یێن خەلکی پێدڤی پێ ھەی”.
ناڤبری دیار ژی کر، پتریا کارگەھێن ھەرێما کوردستانێ یێن کەلوپەلێن خوارنێ نە، پتری پێنج ھزار کارگەھان موولەت وەرگرتینە و پتری سێ ھزاران ژی کار دکەن، رێژەکا کێم یا وان یێن بیانی نە و گۆت: “قەیرانا دارایی کارتێکرنەکا مەزن ل سەر رەوشا پیشەسازی ل ھەرێما کوردستانێ کریە”.
رێڤەبەرێ پیشەسازی ل ھەرێما کوردستانێ ئاماژە ب وێ چەندێ ژی کر، ھەتا نوکە 500 کارگەە ھەبوون مەرجێن پیشەسازی ب جە نەئینابوون، دیسا ئەو موولەتا بۆ ھاتیە دان ب دووماھی ھات بوو، لەو موولەت ژ وان ھاتنە ڤەکێشان.
