مووچێن په‌روه‌ردێ وساخله‌ميێ گه‌هشتن
ئه‌ڤرۆنيوز:
مووچێن هه‌يڤه‌كێ يێن فه‌رمانبه‌رێن هه‌ردو وه‌زاره‌تێن په‌روه‌ردێ وساخله‌ميێ ئه‌ڤرۆ دوشه‌مبى 29/1/2018 ژ به‌غدا گه‌هشتنه هه‌رێما كوردستانێ.
به‌رپرسه‌كێ بلند يێ حوكمه‌تا هه‌رێما كوردستانێ ئاشكراكر، بۆ مه‌زاختنا مووچێ فه‌رمانبه‌رێن وه‌زاره‌تێن په‌روه‌ردێ وساخله‌ميێ، حوكمه‌تا عيراقێ 250 مليار دينار بۆ هه‌رێما كوردستانێ هنارتن.
وى به‌رپرسێ بلند يێ حوكمه‌تێ بۆ باسنيوز گۆت” بۆ ده‌ستپێكرنا به‌لاڤكرنا مووچێ وان هه‌ردو وه‌زاره‌تان ، چاڤه‌رێى بريارا دووماهيێ يا سه‌رۆك وه‌زيرێن عيراقێ دكه‌ين”.
گۆت ژى” بۆ دياركرنا ژڤان وميكانيزمێ به‌لاڤكرنا مووچێ وان هه‌ردو وه‌زاره‌تان، په‌يوه‌ندى ب ئه‌ميندارێ گشتيێ جڤاتا وه‌زيرێن عيراقێ هاتيه كرن وچاڤه‌رێ به‌رسڤا وان دكه‌ين”.
گۆت ژى”هنارتنا وان پاران ل سه‌ر داخوازا هه‌رێما كوردستانێ بوو، ئه‌و پاره ژى وه‌كو سلفه‌ك دێ هێته هژمارتن، چونكى تاكو پرۆسا هووربينيێ ب دووماهى دهێت، گه‌له‌ك ده‌م پێ دڤێت، له‌وما ب وێ سلفێ مووچه دێ هێته به‌لاڤكرن”.
