موگرينى: چين و رۆسيا و بريتانيا و ئه‌لمانيا دێ ل گه‌ل ئیرانێ کۆم بن
ئەڤرۆ نیوز، فاتما مزووری:
فیدریکا موگرینی بەرپرسا سیاسەتا ژ دەرڤە یا ئێکەتیا ئورۆپا د داخویانیەکی دا راگەھاند کو ھەر ئێک ژ وەزیرێن دەرڤە یێ چین و روسیا و بریتانیا و ئەلمانیا رۆژا ئەینی ل ڤییەنا دێ ل گەل بەرپرسێن ئیرانێ کۆم بن ب مەرەما دیتنا چارەسەریەکێ ژبۆ پاراستنا رێکەفتنا ئەتۆمی یا ل گەل ئیرانێ کو د سالا 2015ێ دا د ناڤبەرا وان وەلاتان دا ھاتیە ئیمزا کرن.
ب گۆرەی ژێدەرێن دەنگوباسان مەرەم ژ ڤێ کۆمبوونێ ژبۆ رزگارکرنا رێکەفتنا ئەتۆمی یە ئەو ژی وەکو روو ب رووبوونا بڕیارا سەرۆکێ ئەمریکا ترەمپ ژبۆ خوەڤەکێشان ژ رێکەفتناما ئەتۆمی و سەپاندنا سزایێن ل سەر ئیرانێ.
مۆگرینی ئەشکەرا ژی کر کو د ھەیڤا ھەشت دا سزا دێ ل سەر ئیرانێ ھێنە سەپاندن، بەلێ ھندەک ژ کۆمپانیێن ئورۆپی کو وەبەرھێنانا وان د ناڤ ئیران دایە و کارێن مەزن ل ئەمەریکا ھەنە گۆتیە دێ ژ رێکەفتنا ل گەل ئیرانێ خوە ڤەکێشین.