ميرێن ئێزديان هه‌لويستێ خوه ل سه‌ر كوردبوونا خوه ديار دكه‌ن
ئه‌ڤرۆ نيوز:
د به‌ياننامه‌كێ دا كو دانه‌ك بۆ رۆژناما ئه‌ڤرۆ هنارتيه، داسن فارۆق به‌گ، ئێك ژ ميرێن ئێزديان ل دۆر هه‌لويستێ كوردبوونا ئێزديان ديار دكه‌ت كو هه‌لويستێ وان ل سه‌ر كورداتيا ئێزديان يێ ئاشكه‌رايه و ئه‌ڤه چار هزار ساله ئێزديان يا ب ئۆل و كه‌لتۆرێ خوه سه‌لماندى كو كوردن.
ئه‌ڤا ل خوارێ ده‌قێ به‌ياننامێ يه كو ئه‌ڤرۆ نيوز بێ ده‌ستكاريێن زمانى به‌لاڤ دكه‌ت.
راگەھاندنەک ژ بنەمالە میرێن ئیزدیان
ئەم کۆمەکا گەنجین بنەمالە میرێن ئێزدیان ل عیراقی و جیھانی ھەلوەیستی خوە رووھن وئاشکرا دکەن ل سەر کورداتیا ئێزدیان چونکو پێش چوار ھزار سالە ئێزدیان یا سەلماندی ب ئول و کەلتوری خوە کو ئێزدی کوردن.
ئەم دبینن گوتارا میری ئیزدیان یا گەنالی عەرەبیە ھاتیە بەخشکرن ل ژێر فشارا ھندەک رەوشەنبیرین لایەنێن سیاسی یە ل ئەلمانیا ھەمان ھزرین قریژی رژێما گۆر ب گۆر یا ژناڤچوویی نە کو چەندین جاران ھەولدان کرینە ناسنامەیا ئێزدیان ب گوھوریت وبکەتە عەرەب لێ ئێزدیان ھەر کورداتیا خوە پاراستینە چوو کەس ولایەن نەشین ڤێ چەندی ڤەشیرت ئێزدی دێ ھەر مینن کورد وکوردستانی.
باری تەندوستی میر تەحسین بەگ نە یێ جێگیرە ئەڤە ژی بوویە ئەگەر کارتیکرن ل میری بھێتە کرن ل وی چەندی گوتبوو ئێزدی کورد نینن ئەم بخوە ژی وەکو گەنجین بنەمالە میرین ئێزدیان نە دگەل وێ گروپی نە یێن پیشتەڤانیی ل جەنابی میرێن کرین چونکو زێدەتر ژ ٧٠ فرمانان ژبەر کوردینا ئێزدیان ب سەر ئێزدیان ھاتینە وفرمانا ڤێ دووماھیی ژی یا شنگال ژبەر ھندی بوویە کو ئێزدی کورن.
مە نەڤێت بەرپەرێن میژووی تیکڤەدەن چونکو ھەموو دونیا شاھد کوردینا ئێزدیانە و ئیزدیان ھزارەھا شەھید وقوربانیی پێخەمەت پاراستنا ئاخا خوە پیروز ل کوردستانی داینە ھەموو جھێن پیروز ئێزدیان ل کوردستانی نە ئێزدی گەڤنترین دینێ دەڤەریێە دێرۆک شاھدە ل سەر ڤێ چەندی.
ئەم دووپات دکەن کو کورێن ئێزدی دبن دادپەروەریا بارزانی دا دی ھەموو ماڤیێن خوە شاد بن و سوپاسیا ھەموو خەلکێ خوشتفی ھەرێما کوردستانی دکەن تایبەتی ژی خەلکێ دھۆکا داسنیا بۆ پیشتەڤانیا وان ل ئاوەرین کوردێن ئێزدی.
داسن فاروق بەگ
ئیک ژ میرین ئیزدیان