ميلانا به‌حس ل تۆمه‌تێن سكسى يێن سه‌ر تره‌مپ دكه‌ت
ئه‌ڤرۆ نيوز:
ميلانا تره‌مپ، خاتينا ئێكێ يا ئه‌مريكا، ره‌ت دكه‌ت كو تۆمه‌تێن سكسى يێن سه‌ر هه‌ڤژينێ وێ جهێ گرنگيدانا وێ بيت، به‌لكو ئه‌و وه‌كو خاتينا ئێكێ يا ئه‌مريكا و دايكه‌ك “كارێن گرنگتر” هه‌نه هزر لێ بكه‌ن.
د چاڤپێكه‌فتنه‌كێ دا ل گه‌ل ئاژانسا نووچه‌يێن ئه‌ى بى سى، ميلانا هه‌ڤژينا دۆنالد تره‌مپ سه‌رۆكێ ئه‌مريكا د ده‌رباره‌يى تۆمه‌تێن سێكسى يێن سه‌ر هه‌ڤژينێ وێ گۆت: “دزانم ميديايێ دڤێت هه‌ڤژينيا مه بێخنه بن گه‌فان، به‌لێ من كارێن گرنگتر هه‌نه، هزر لێ بكه‌م”.
ده‌رباره‌يى وێ چه‌ندێ كا ئه‌رێ ئه‌و تۆمه‌تێن ل سه‌ر هه‌ڤژينێ وێ وێ ئازار دده‌ن، ميلانا دبێژيت: “ئه‌ڤه تشته‌ك نينه دلێ من پێ يێ خۆش بيت، بێ گۆمان دزانم يا راست چيه و يا خه‌له‌ت چيه”.
ده‌مێ ژ خاتينا ئێكێ پرسيار كرى كا ئه‌رێ ئه‌وێ تره‌مپ خۆش دڤێت، مێلانايێ گۆت: “به‌لێ ئه‌م دباشين، ئه‌وا ميديا به‌حس دكه‌ت ب تنێ ده‌نگۆيه، هه‌موو ده‌مان ژى ئه‌و ده‌نگۆ د راست نينن”.
هه‌كه چ هه‌تا نوكه دو ژن كو پێك پۆرن ستار و يا دژى نمايشكاره، چه‌ند تۆمه‌ته‌كێن سكسى خستينه پشت دۆنالد تره‌مپ سه‌رۆكێ ئه‌مريكا، به‌لێ ميلانا ماوێ 13 سالايه هه‌ڤژينا تره‌مپه چو داخۆيانى د وێ ده‌ربارێ دا نه‌داينه.