مینەکێ شڤانەک کوشت
ئه‌ڤرۆ نیوز:
ل ده‌ڤه‌را سیده‌كان یا باژێرێ هه‌ولێرێ شڤانه‌كێ ژ به‌ر په‌قینا مینێ جانێ خوه ژ ده‌ست دا.
په‌یڤدارێ ده‌زگه‌هێ كاروبارێن مینان ل هه‌ولێرێ زێبار خالد بۆ ئه‌ڤرۆ نیوز راگه‌هاند: ئەڤرۆ چارشەمبی 8 تەباخا 2018 ل چیایێ هۆردنێ ل ده‌ڤه‌را سیده‌كان، مینه‌ك ب شڤانه‌كی ڤه په‌قی، كو مژوولی چەراندنا په‌زێن خوه بوو.
زێبار خالد دا زانین ژی: د وێ روودانێ دا شڤانی ده‌ملده‌ست جانێ خوه ژ ده‌ست دایه،کو ناڤێ وی شڤانی ژی عارف سه‌ید مام سار بوو، كو 22 سالە کارێ شڤانه‌تیێ دكر، هەروەسا ئەو شڤانێ كو ژ به‌ر په‌قینا مینێ هاتیه كوشتن، خه‌لكێ ده‌شتا هه‌ریرێ بوویه و مینا كو په‌قی ژی یا سەر دەمێ شه‌رێ ئیران و عیراقێ بوویه.
