مێسی و مودرێچ ژ وەرگرتنا ڤی خەلاتی ھاتنە دوورخستن
ئەڤرۆ نیوز:
رێکخەرێن خەلاتێ گلوب سوکر ناڤێن بەربژێرێن دەستڤە ئینانا ناسناڤێ باشترین یاریزان ل سالا ٢٠١٨ ئاشکرا کرن و تێدا ناڤێ ھەردو ستێرێن ئەرژەنتینی لیونێل مێسی و یێ کرواتی لوکا مودرێچ تێدا نەبوو.
ئەڤ خەلاتە ل رۆژا سێ ھەیڤا بھێت ل باژێرێ دوبەی یێ ئیماراتا عەرەبی ھێنە بەلاڤ کرن، د ڤێ خەلاتکرنێ دا دێ باشترین راھێنەر و یاریزان و باشترین سەروک یانە دگەل چەندین خەلاتێن دی ھێنە بەلاڤ کرن.
د ڤێ خولاتکرنێ دا ناڤێ باشترین یاریزان ل ئوروپا و ل جیھانێ ل وەرزێ ئەڤ سالە لوکا مودرێچ تێدا نەبوو دیسان ستێرا ئەرژەنتینی ژی و یانا بەرشلونە لیونێل مێسی ژی نە ھاتیە، و ھەرسێ یاریزانێن دێ ھەڤرکیا ناسناڤێ باشترین یاریزان کەن ئەو ژی یێ فرەنسی کلیان مباپێ و ئەنتوان گریزامان و کرستیانو رونالدو یێ پرتوگالی نە.
