لژنا نه‌زاهێ: 360 مليار دۆلارێن عيراقێ د به‌رزه نه
ئەڤرۆ نیوز:
پەیڤدارێ لژنا نەزاھێ ل پەرلەمانێ عیراقی ئاشکرا کر کو گەلەک گەندەلی یا د وەزارەتێن عیراقێ دا ھەی و د 12 سالێن بۆری دا، 360 ملیار دۆلار دبەرزەنە و ب سەدان ملیار دۆلار ژی ھاتینە سپی کرن.
عادل نوری، پەیڤدارێ لژنا نەزاھێ ل پەرلەمانێ عیراقی دیار کر کو ژ 822 ملیار دۆلارێن ھاتینە مەزاخیتن دگەل وی پارێ بۆ ھاریکاریا ئەمریکیا ھاتیە مەزاختن دگەھیتە پتر ژ ترلیۆن ملیار دۆلاران، بەلێ ژ سەرجەمێ ڤی کوژمێ پارەیی 360 ملیار دۆلار دبەرزەنە و ب سەدان ملیار دۆلار ژی ھاتینە سپی کرن، سەرەرایی ڤێ چەندێ د ناڤبەرا سالێن 2006 ھەتا 2014 ێ دا پتر ژ 800 ملیار دیناران داھاتێ پەترۆلا عیراقێ بوون و بۆ باسنیۆز گۆت: ” ئەو جھێن ب رێیا گرێبەستان گەندەلی تێدا ھاتیە کرن پێکھاتینە ژ وەزارەتێن بەرگێری و ناڤخۆ و بازرگانی و کارەب و ساخلەمی و بەھرا پتریا ڤان گەندەلیان ل سەر دەمێ سەرۆک وەزیرێن بەرێ یێ عیراقێ نوری مالکی بوون”.