مەترسیا کارەساتێن مینا سالا ٢٠١٤ ل سەر کریستیانێن عیراقێ هەنە
ئەڤرۆ نیۆز، قائید میرۆ:
چەند رۆژەکە چەکدارێن تیرۆرستێن داعش ل عێراقێ دەست ب لڤینانکریە و کریستیان ژی دلگرانن بڤێ چەندێ عێراقێ شیانێن پاراستنا وان نینە نوونەرەکا کریستیانان ژی ب دوور نابینیت کارەساتێن سەردەمێ ھاتنا داعش دوبارە ببن.
رۆبینا تیاری، نوونەرا کریستیانان ل پەرلەمانێ کوردستانێ بۆ ئەڤرۆ نیۆز دیارکر” پشتی زێدەبوونا لڤینێن چەکدارێن داعش ل عێراقێ جارەکادی مەترسی بۆسەر کریستیان و ھەموو پێک ھاتەیێن دی پەیدابوویە و وەلاتیێن کریستیان دلگرانن ب لڤینێن داعش، ژبەرکو ترس ھەیە کارەساتێن مینا سالا ٢٠١٤ێ بسەر وان بھێن.
رۆبیتا تیاری ئاشکراکر” ھێزێن عێراقی شیانێن پاراستنا رەوشا ئەمنی ل دەڤەرێن کریستیان تێدا نینە و ھێشتا مەترسی بۆسەر دەڤەرێن کریستیانان ھەیە ژئالیێ گرۆپا چەکدارێن داعش یێن تیرۆرست.
