مەرجێن نوو بۆ کۆمپانیێن حەج و عومرێ دەرکەفتن
ئەڤرۆ نيوز، نیوار:
رێڤەبەریا گشتیا حەج و عومرێ ل ھەرێما کوردستانێ داخوازێ ژ کۆمپانیێن حەج و عومرێ دکەت کو یێن بڤێت سەرپەرشتی و ڤەگوھاستنا رێڤینگان بکەن د ماوێ حەفتیەکێ دا سەرەدانا رێڤەبەریێن حەجێ ل سنورێ خوە بکەن ب گۆرەی ھندەک مەرجان کو بۆ ھاتینە دیارکرن.
رێڤەبەریا گشتی یا حەج و عومرێ د نڤیسارەکێ دا كو دانه‌ك ب ده‌ست ئه‌ڤرۆ نيوز كه‌فتيه داخۆازێ ژ خودان کۆمپانیان دکەت کو یێن بڤێت پشکداریێ د حەجا ئەڤ سالە 2018 دا بکەت ب ڤەگوھاستن و سەرپەرشتیکرنا رێڤینگان، بۆ ماوێ حەفتیەکێ کو ژ 26ی ئادارێ دەست پێ دکەت ھەتا 1ی نیسانێ ناڤێن خوە ل دەف رێڤەبەریێن حەجێ ل سنورێ خوە تۆمار بکەن.
رێڤەبەریا گشتی یا حەج و عومرێ ھندەک مەرج ژی دیارکرینە کو پێدڤیە ئەو کۆمپانیا ناڤێ خوە تۆمار دکەت ھندەک مەرج ل دەف ھەبن ژ وان ژی د راپرسیا سالا بۆری یا ل وەلاتێ سعودی ھاتیە کرن پلا سەرکەفتی ھاتبیتە ھەلسەنگاندن.
ئاشکەرا ژی کریە کو یێ ئامادە بیت ب دانا 2100 ریالان ل دەمێ دەرکەفتنا ناڤی بۆ ڤیزایێ و کارێن ژ وی رەنگی و ھەر گوھۆڕینەکا ب سەر دا ژی بھێت پێدڤیە یا پێگیر بیت پێ. دیسا ھەموو رێنمایێن تایبەت ب کۆمپانیێ بجھبینیت.
دووماھی مەرج ژی ئاماژە پێ کریە ئەوە کو پاکانەکێ ل گەل پێشکێشکرنا خوە یا تایبەت ب باجا دەرامەت ل گەل خوە بینیت و بەروڤاژی ناڤێ وێ کۆمپانیێ ناھێتە تۆمارکرن.
