مەزنترین پەرستگەھا ئێزدیان ل جیھانێ دێ ھێتە ئاڤاکرن
ئەڤرۆ نيوز:
ئۆلدارەکێ ئێزدی ل پەرستگەھا لالش بۆ رۆژناما ئەڤرۆ ئاشکرا کر کو دویەم مەزنترین پەرستگەھا ئێزدیان پشتی پەرستگەھا لالش دێ ل وەلاتێ ئەرمینیا ھێتە ئاڤاکرن.
بابە چاویش، ئۆلدارەکێ ئێزدی یە ل پەرستگەھا لالش دیار کر کو ئەڤ پەرستگەھە ل سەر رووبەرەکێ مەزن دێ ھێتە دروستکرن و دێ ھەشت قوبان ب خوە ڤە گریت و بلندترین قوبە ژی دێ ھێنە دانان و گۆت: “ئەڤ پەرستگەھە دێ ل گوندەکێ نێزیکی ئێریڤانا پایتەختێ وەلاتێ ئەرمینیا ھێتە چێکرن”.
د لایەکێ دی دا ناڤھاتی خویا کر کو چەندین مەزارگەھێن خاس و چاکێن دی یێن ئۆلا ئێزدیان ل وەلاتَێن ئورۆپی ھەنە و گۆت: “چەندین ژێدەران دیارکریە کو نێزیکی 22 ملیۆن یۆرۆیان بۆ ئاڤاکرنا ڤێ پەرستگەھێ دێ ھێنە مەزاختن”.