مەسرور بارزانی:ب خوه‌سه‌پاندنێ ونه‌دانپێدانێ ب مافێن پێكهاتان عيراق ئارام نابيت
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئێكشه‌مبى 10/6/2018 پێشوازى ل (ئه‌ياكوب برادا) باليۆزێ رۆمانيا ل عيراقێ وشاندنێ دگه‌لدا كر.
دديداره‌كێ دا، مه‌سرور بارزانى دوپات كر كو هه‌رێم دژى ره‌تكرنا ده‌نگدانا تايبه‌ته ل هه‌رێما كوردستانێ وهه‌رێمێ چو رێگرى ل هژمارتنا ده‌نگان ب ده‌ست نينه.
ل دۆر ئه‌نجامێن هه‌لبژارتنان وبزاڤێن جڤاتا نوونه‌رێن عيراقێ، مه‌سرور بارزانى گۆت” كێشێن عيراقێ ژ ئه‌نجامێن هه‌لبژارتنان دمه‌زنترن، وه‌كو هه‌رێما كوردستانێ مه چو كێشه ل سه‌ر ب ده‌ست هژمارتنا ده‌نگان نينه ول ده‌ستپێكێ مه ئه‌ڤ چه‌نده يا راگه‌هاندى، به‌لێ مه كێشه ل سه‌ر هه‌لوه‌شاندنا ده‌نگانا تايبه‌ت ل هه‌رێما كوردستانێ يا هه‌ى، كو پێشيلكاريه‌كا به‌رچاڤه به‌رامبه‌ر مافێ ده‌نگده‌ران”. گۆت ژى”ب عه‌قلێ خوه‌سه‌پاندنێ وره‌تكرنێ ونه‌دانپێدان ب مافێن هه‌موو پێكهاتێن جودا، عيراق سه‌قامگير وسه‌ركه‌فتى نابيت”.
شيره‌تكارێ جڤاتا ئاسايشا هه‌رێما كوردستانێ دياركر ژى” هه‌رێما كوردستانێ ڤيتۆ ل سه‌ر چو هه‌ڤپه‌يمانيه‌كێ وچو كه‌سه‌كى نينه، كى به‌رهه‌ڤ بيت ئه‌جيندايێن هه‌رێما كوردستانێ بجه بينيت وكار بكه‌ت بۆ بجهئينانا دستوورى وه‌كو ئێك پاكيج، دێ پشته‌ڤانيێ لێ كه‌ين”.
ژ‌لايێ خوه‌ڤه باليۆزێ رۆمانيا ل عيراقێ پێشڤه‌برنا په‌يوه‌نديێن دو قۆلى دناڤبه‌را رۆمانيا وهه‌رێما كوردستانێ ب گرنگ دا زانين وگۆت” ل پێناڤى عيراقه‌كا سه‌قامگير نابيت رۆلێ كوردان ل به‌رچاڤ نه‌هێته وه‌رگرتن”.