مەسرور بارزانی:پێدڤيه دۆسيا ئه‌منى ل ده‌ڤه‌رێن كوردستانى بهه‌ماهه‌نگيا هه‌موو لايه‌نان برێڤه‌بچيت
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ سێشه‌مبى 26/6/2018 ل گه‌ل جێگرێ فه‌رماندێ هێزا هه‌ڤپه‌يمانان ل عيراقێ وسووريێ كۆمبوو.
دديداره‌كێ دا ره‌وشا ده‌ڤه‌رێ وپێشخستنا زێده‌تر يا ميكانيزما هه‌ماهه‌نگيێ دناڤبه‌را هێزێن په‌يوه‌نديدار وروو ب رووبوونا گه‌فێن تيرۆرێ هاته به‌حسكرن,
مەسرور بارزانی، زێده‌بارى دووپاتى كرن ل گرنگيا ئاساييكرنا ره‌وشا ده‌ڤه‌رێن كوردستانى يێن ده‌ڤه‌رێ ئيدارا هه‌رێما كوردستانێ وهاريكاريا زێده‌تر بۆ هيزا پێشمه‌رگه‌ى ژبۆ رێگرتنێ ل لڤين ورووب رووبوونا گه‌فێ تيرۆرستان، ئاماژه دا كو پێدڤيه دۆسيا ئه‌منى يا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، ب هه‌ماهه‌نگيا هه‌موو لايه‌نێن په‌يوه‌نديدار ب رێڤه بچيت.
ل به‌رامبه‌ر دا، جێگرێ فه‌رماندێ هێزا هه‌ڤپه‌يمانان، هه‌ماهه‌نگيا دناڤبه‌را هه‌ڤپه‌يمانان وپێشمه‌رگه‌ى دشه‌رێ دژى تيرۆرستان دا بلند نرخاند ودووپاتكر كو هێزێن هه‌ڤپه‌يمانان دێ دبه‌رده‌وام بن ل سه‌ر هاريكارى ومه‌شق وپشته‌ڤانيا هێزا پێشمه‌رگه‌ى.
