مەسرور بارزانی داخوازا تانک و ماسکێن خوەپاراستنێ ژ چەکێ کیمیاوی بۆ پێشمەرگەی دکەت
ئەڤرۆ نيوز:
شیرەتکارێ جڤاتا ئاسایشا ھەرێما کوردستانێ راگەھاند، چەکێ زێدەتر وەکو گوللەنەبڕ و تانگ و ماسکێن خوەپاراستنێ ژ چەکێ کیمیاوی ژ پێدڤیێن گرنگن بۆ پێشمەرگەی بھێنە دابینکرن. م
سرور بارزانی د دیدارەکێ دا ل گەل گەنالێ (بی بی سی) یێ بریتانی گوت” ھێشتا پێشمەرگەی گرفتا کێمیا چەکی و تەقەمەنیێ و کەلوپەلێن لەشکری یا ھەی و دووماھی ھاریکاریا لەشکری ژی بەری چار مەھان گەھشتبوو”. مەسرور بارزانی زێدەتر گوت” ئەو چەکێن مە پێدڤی پێ ھەی، ب تایبەتی چەکێ گران، ل بەردەستێ مە نینە و دووماھی جار ھاریکاریا لەشکری یا وەلاتان گەھشتیە مە ل مەھا گۆلانا بۆری بو
“. ل دۆر چەکێ میلان یێ ئەلمانی، شیرەتکارێ جڤاتا ئاسایشا ھەرێمێ گوت” چەکەکێ کاریگەرە، لێ ھژمارا وی یا کێمبوو و ئەم بزاڤێن ھەموو وەلاتان ب بلند نرخینین کو ب چەکی و تەقەمەنیێ ھاریکاریا پێشمەرگەی دکەن، لێ ئەڤە زێدەترە ژ سالەکێ شەڕ یێ بەردەوامە و بەرەیێ شەڕی ژی زێدەترە ژ ھزار کیلۆمەتران و مە پێدڤی ب زێدەتر چەکی یا ھەی”.
مەسرور بارزانی دووپاتی ل سەر وێ چەندێ کر کو پێشمەرگە تنێ پێدڤی ب چەکێ دژە تانک نینە، بەلکو پێدڤی با تانکی ب خوەژی یا ھەی بۆ ب ھێزکرنا بەرەیێن شەڕی و گوت ژی” مخابن ل دەمەکی دەھان ھزار پێشمەرگە یێن ل بەرەیێن شەڕی، ھەتا نوکە تنێ ھزار دانە ژ ماسکێن خوەپاراستنێ ژ چەکێ کیمیاوی یێن بۆ ھاتینە ڤرێکرن”.
