مەسرور بارزانی دوپاتیێ ل گرنگییا پێشڤەبرنا وەبەرهێنانا كۆمپانیێن ئەمریكی ل كوردستانێ كەت

دوهی ئێكشەمبی 16/11/2025، مەسرور بارزانی، سەرۆكێ حوكمەتا هەرێما كوردستانێ، پێشوازی ل شاندەكێ جڤاتا بازرگانییا ئەمریكا – كوردستان كر.
ل دەستپێكا كۆمبوونێ، دەیڤد تەفوری، سەرۆكێ جڤاتێ پیرۆزباهییا سەركەفتن و ئەنجامدانا هەلبژارتنێن جڤاتا نوونەرێن ئیراقێ ل سەرۆكێ حوكمەتێ كر و كورتییەك ل دۆر ئارمانجا سەرەدانا خوە و پێكهاتەیێ شاندی بۆ هەرێما كوردستانێ بەرچاڤكر.
سەرۆكێ حوكمەتا هەرێمێ رۆناهی ئێخستە سەر دووماهی پێشهات و گوهۆڕینێن هەرێما كوردستانێ و ئیراقێ ب گشتی. هەروەسا باس ل چاكسازیێن كابینەیا نەهێ یا حوكمەتا هەرێما كوردستانێ ل كەرتێن جۆراوجۆر، ب تایبەتی وزەیێ و غازا سروشتی كر. دوپاتی ژی ل گرنگییا پێشڤەبرنا وەبەرهێنانا كۆمپانیێن ئەمریكی ل هەرێما كوردستانێ كر.

کۆمێنتا تە