مەسرور بارزانی : ریفراندۆم پروسەیەکا دیموکراسیی یە بو زانینا حەزێن وەلاتیان
ئەڤرۆ نیوز :
پشتی نیڤرویا ئەڤرۆ مەسرور بارزانی راوێژکارێ ئەنجومەنا ئاسایشا ھەرێما کوردستانێ پێشوازی ل بەرێز جان کوبیس نوونەرێ تایبەتی سکرتێرێ گشتیێ رێکخراوێن نەتەوەیێن ئێکگرتی ل عیراقێ و شاندێ ل گەل دا کر ، و د دیدارەکێ دا پێشکەفتنێن دەڤەرێ و دوماھی روودانێن جیھان و عیراق و ھەرێما کوردستانێ ھاتنە بەحسکرن ژ وانان ئەنجامدانا ریفراندۆمێ بو سەربخویی یا ھەرێما کوردستانێ.
نوونەرێ تایبەتی سکرتێرێ گشتیێ رێکخراوێن تەوەیێن ئێکگرتی پشتەڤانیا خوە بو ریفراندۆما ھەرێما کوردستانێ دەربری د ھەردوو قوناغێن بەرا ئەنجامدانا ریفراندۆمێ و پشتی ئەنجامدانا ریفراندۆمێ و ھیڤی خواست کو ھەرێما کوردستانێ ب رەنگەکێ ئاشتیانە لسەر ھەموو ئاریشەیێن خوە زال بیت و چارەسەر بکەت.
ژلایەکێ دی یێ کومبوونا وان مەسرور بارزانی راوێژکارێ ئەنجومەنا ئاسایشا ھەرێما کوردستانێ دیارکر کو ریفراندۆمێ میکانیزم و پروسەیەکا دیموکراسی یە بو زانینا حەز و ڤیانێن وەلاتیان و ل نھا و ئایندە ھەرێما کوردستانێ دێ پشکەک بیت ژ چارەسەرکرنا ئاریشەیێن دناڤبەرا عیراق و ھەێما کوردستانێ ب رەنگەک ئاشتیانە و بو ئەنجامدانا ریفراندۆمێ ژی دێ ل گورەی قانون و دەستووری کاروبارێن خوە ب رێڤەبەن.
