مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت

مەسرور بارزانی سەرەخوەشی ل كەسوكارێن قوربانیێن ئاگرێ دارستانێن كۆریایا باشوور كر و پشتەڤانییا حوكمەتا هەرێما كوردستانێ ژی بۆ گەل و حوكمەتا وی وەلاتی دوپاتكر.
دوهی چارشەمبی 26 ئادارا 2025، مەسرور بارزانی، سەرۆكێ حوكمەتا هەرێما كوردستانێ، ل تۆرا جڤاكییا ئێكس، پۆستەك ل دۆر وان ئاگرێن چەندین رۆژە ل كۆریایا باشوور كەفتین، بەلاڤكر,
مەسرور بارزانی د پۆستێ خوە دا گۆت» گەلەگ یێ دلتەنگم ب وان ئاگرێن ل كوریا باشوور كەفتین. هزرا من یا ل دەف قوربانییان و خێزانێن وان. هیڤییا رزگاربوون و چاكبوونا ب لەز بۆ زیانڤێكەفتییان دخوازم».
سەرۆكێ حوكمەتا هەرێما كوردستانێ دوپاتكر ژی» حوكمەتا هەرێما كوردستانێ د ڤی دەمێ دژوار دا دێ ل گەل گەل و حوكمەتا كوریایا باشوور راوەستیت».

کۆمێنتا تە