مەسرور بارزانی: ل بن سیبەرا پارتی، بنەمایێن پێكڤەژیانێ ل كوردستانێ دێ ب هێزتر بن
مەسرور بارزانی دوپاتكر پێكهاتەیێن جودا جودا پشكەكا گرنگن ژ گەلێ كوردستانێ و ل بن سیبەرا پارتی، دێ بنەمایێن پێكڤەژیانێ ل كوردستانێ ب هێزتر بن.
مەسرور بارزانی، جێگرێ سەرۆكێ پارتی دیموكراتی كوردستان ل گەل پارت و ئالیێن ئەندام د هەڤپەیمانییا مەسیحی كۆمبوو.
مەسرور بارزانی، جێگرێ سەرۆكێ پارتی ل بەرپەرێ خوە یێ تایبەت ل سەر تۆرا جڤاكییا فەیسبووكی بەلاڤكر» د كۆمبوونێدا باس ل وێ چەندێ كریە كو پێكهاتەیێن جودا جودا یێن كوردستانێ، ب تایبەتی كلدان و ئاشووری و سریان و ئەرمەن، پشكەكا گرنگن ژ گەلێ كوردستانێ و ئەم هەموو پێكڤە خودانێن ڤی نیشتمانی نە».
جێگرێ سەرۆكێ پارتی دوپاتكر» جهێ شانازیێیە، پارتی هەردەم جهیچ باوەرییا هەموو پێكهاتەیان و ب تایبەتی مەسیحییان بوو و ل بن سیبەرا پارتی، دێ بنەمایێن پێكڤەژیانێ ل كوردستانێ ب هێزتر بن و دێ مافێن پێكهاتەیان د پاراستی بن».
هەڤپەیمانییا مەسیحی، سوپاسیێن خوە بۆ پشتەڤانییا بێسنۆر یا سەرۆك بارزانی و پارتی دیاركر كو هەردەم پشتەڤان و بەرگریكار و پارێزەرێن مافێن پێكهاتەیان بوو و روو ب روویێ هەمو بزاڤێن پێشێلكرنا مافێن پێكهاتەیان راوەستییایە.
