مەسرور بارزانی: مە داخوازا ھەلیکۆپتەر و تانگ و زریپۆشان کریە

ئەڤرۆ:
مەسرور بارزانی شیرەتکارێ جڤاتا ئاسایشا ھەرێما کوردستانێ راگەھاند کو ژ مێژە وان داخواز ژ ئەمریکا و وەلاتێن ھەڤپەیمان کریە، ھەلیکۆپتەر و زریپۆش و تانک و چەکێ گران بدەنە پێشمەرگەی.
مەسرور بارزانی د دیدارەکێ دا ل گەل رادیۆیا NPR یا ئەمریکی راگەھاند ئەو نوکە چاڤەرێی سوپایێ عیراقێ و ھێزێن عیراقی دکەن کو بەرھەڤ بن بۆ ئۆپەراسیۆنا ئازادکرنا مووسل و گۆت:( پێشمەرگە ب تنێ ناچیتە مووسل، چونکو ئەم دزانین ئەڤە دێ ھندەک ھەستیاریێن سیاسی دروست کەت، ژ بەر ڤێ چەندێ دڤێت ھێزەکا سەربازی یا سونە بۆ ئازادکرنا مووسل ھەبیت).
د پشکەکا دی یا دیدارێ دا، سەبارەت ھاریکاریێن ئەمریکا بۆ پێشمەرگەی، مەسرور بارزانی دوبارە داخوازا ھاریکاریێن زێدەتر بۆ پێشمەرگەی کر و گۆت:(ئەم سوپاسیا ھاریکاریێن ئەمریکا دکەین یێن ھەتا نوکە بۆ مە دابینکرین، ئەمریکا ئێک ژ وان وەلاتان بوو کو ھەر زوو د ھەوارا مە ھات).

کۆمێنتا تە