مەسرور بارزانی: هیڤیدارین د زووترین دەمدا، حوكمەتەكا نوو و ب هێز و خزمەتگوزار پێكبینین
دوهی سێشەمبی 26/11/2024، مەسرور بارزانی، سەرۆكێ حوكمەتا هەرێما كوردستانێ 9 ئاڤاهیێن نوو یێن باخچە و قوتابخانەیێن حكومی ل سنوورێ رێڤەبەرییا گشتییا پەروەردەیا هەولێرێ ڤەكرن كو ئێك ژوان ئامادەییا ئەحمەد رێكانی بوو كو هەر دوهی سەرۆكێ حوكمەتێ سەرەدانا وێ كربوو .
سەرۆكێ حوكمەتا هەرێمێ پشتی ڤەكرنا ئامادەییا ئەحمەد رێكانی و سەرەدانا پشكێن وێ، د پەیڤەكێدا ئاماژە ب وێ چندێ كر د چارچۆڤەیێ بەرنامەیێن حوكمەتا هەرێما كوردستانێ، بۆ پێشڤەبرنا كەرتێ پەروەدەیێ و خواندنێ و دروستكرنا قوتابخانەیێن نوو و نووژەنكرنا چەندین قوتابخانەیێن دی، ڤێ قوتابخانەیێ ڤەدكەین وەكو نموونەیەك بۆ ڤەكرنا ئاڤاهیێن چەندین باخچە و قوتابخانەیێن نوو كو ل سەر ئەركێ حوكمەتا هەرێما كوردستانێ و هندەك ژی ژ ئالیێ كەرتێ تایبەت ڤە یێن هاتینە دروستكرن.
سەرۆكێ حوكمەتا هەرێمێ سوپاسییا مامۆستایێن كوردستانێ كر كو ل دەمێن نەخوەش و دژوار دا، نەهێلا پڕۆسەیا خواندنێ ب راوەستیت و ئەركێ خوە ب دلسۆزی بجهئینا و نەهێلا قوتابی ژ خواندنێ بێبەهر ببن.
مەسرور بارزانی دوپاتكر ژی كو پشتی ئەنجامدانا هەلبژارتنێن سەركەفتی ل هەرێما كوردستانێ، هیڤیدارین بشێین د زووترین دەمدا، حوكمەتەكا نوو و ب هێز و خزمەتگوزار پێكبینین تاكو درێژیێ ب خزمەتگوزارییان و بەرنامەیێن خوە د كەرتێ پەروەردەیێ دا بدەین.
چار هزار و 500 قوتابی ل ژینگەها نوو یا وان ئاڤاهیێن نوو یێن باخچە و قوتابخانەیان ئەوێن هاتینە ڤەكرن دێ مفادار بن كو ب ڤی شێوەیێ خوارێ نە:
-سێ ئاڤاهیێن نوو یێن قوتابخانەیێن 18 رێزی ل سەر بودجەیا حوكمەتا هەرێما كوردستانێ ل قەزا بنەسلاوە- تاخێ رەوشەنبیری- تاخێ زاگرۆس.
-سێ ئاڤاهیێن نوو یێن قوتابخانەیێن 18 رێزی ل سەر بودجەیا حوكمەتا هەرێمێ ل قەزا بنەسلاوە – تاخێ رەوشەنبیری – تاخێ زاگرۆس.
-دو ئاڤاهیێن نوو یێ قوتابخانەیێن 18 رێزی ل قەزا بەحركە و هیوا ستی (هەولێر).
-ئێك ئاڤاهیێ نوو یێ 9 رێزی ل گوندێ دوزتەپە ل ناحیا شەمامك.
