مەسرور بارزانی و بالیۆزێ توركیا: پێدڤییە ئاسایش و ئارامییا دەڤەرێ بهێتە پاراستن

مەسرور بارزانی، سەرۆكێ حوكمەتا هەرێما كوردستانێ، پێشوازی ل ئانیل بورا ئینان، بالیۆزێ توركیا ل ئیراقێ كر.
د كۆمبوونەكێدا، كو ئەرمان تۆپچو، قۆنسلێ گشتیێ توركیا ل هەرێما كوردستانێ بەرهەڤ بوو، دانوستاندن ل دۆر پێشڤەبرنا پەیوەندیێن دو ئالییانە و دوماهی پێشهات و گوهۆڕینێن رەوشا گشتییا ئیراقێ و دەڤەرێ هاتە كرن.
بالیۆزێ توركیا ل ئیراقێ، پیرۆزباهییا سەركەفتنا هەلبژارتنێن پەرلەمانێ كوردستانێ و ئەنجامدانا ئێكەمین روونشتنا خولا شەشێ یا پەرلەمانێ كوردستانێ كر و هەردو ئالی د هەڤڕابوون ل سەر گرنگی و پێدڤییا پێكئینانا كابینەیا نوو یا حوكمەتا هەرێما كوردستانێ د زووترین دەمدا.
شەڕ و ئالۆزیێن سووریێ و پێدڤییا پاراستنا ئاسایش و ئارامییا دەڤەرێ، تەوەرەكێ دی یێ دانوستاندنان بوو.

کۆمێنتا تە