مەسرور بارزانی و شاهێ بەحرێنێ دلگرانییا خوە ژ ڕەوشا دەڤەرێ دیار دكەن
مەسرور بارزانی، سەرۆكێ حوكمەتا هەرێما كوردستانێ و حەمەد بن بن عیسا ئال خەلیفە، شاهێ بەحرێنێ د پەیوەندییەكا تەلەفۆنیدا ڕەوشا گشتییا دەڤەرێ و ب تایبەت بەحرێنێ وئیراقێ و هەرێما كوردستانێ و دوماهی پێشهاتێن شەڕ و ئالۆزییان گەنگەشكر.
حوكمەتا هەرێما كوردستانێ سەبارەت وێ پەیوەندییا تەلەفۆنی د بەیاننامەیەكێدا ڕاگەهاند» هەردو ئالییان دلگرانییا خوە ژ هێرش و شەڕ و ئالۆزییان ل دەڤەرێ دیاركر».
حوكمەتا هەرێمێ د بەیاننامەیا خوە دا دیاركر ژی» سەرۆكێ حوكمەتا هەرێمێ و شاهێ بەحرێنێ دوپاتی ل پێدڤییا پێشڤەبرنا هاریكاریێ و هەماهەنگیێ د ناڤبەرا هەردو ئالییاندا كر ژ پێخەمەت پاراستنا ئاشتی و ئارامییا دەڤەرێ».
