مەسرور بارزانی: دەمێ راگەھاندنا سەربەخویێ یە
ئەڤرۆ نیوز ، نەوزاد زادە ھلۆری:
مەسرور بارزانی راوێژکارێ ئەنجومەنا ئاسایشا ھەرێما کوردستانێ دیارک رکو دەمێ وێ یەکێ کو خەلکێ مە بخوە بریارێ لسەر ئایندەیێ خوە بدەن.
رۆژا دوشەمبی 16 ئەیارا 2016 دێ 100 سال لسەر ئیمزاکرنا رێکەفتنامەیا سایکس – بیکو بورن کو ژ ئەگەرا وێ کوردستان بو سەر چوار وەلاتان ھاتە دابەشکرن و نھا ژی پشتی دەربازبوونا 100 سالان ل ھەموو دەمەکێ زێدەتر بەحس ل راگەھاندنا سەربەخویا باشورێ کوردستانێ دھێتەکرن.
راوێژکارێ ئەنجومەنا ئاسایشا ھەرێما کوردستانێ ل بارا دەمێ سەربەخویا کوردستانێ دتویتەکێ دا نڤیسیی یە ” ھندەک کەس دبێژن نھا دەمەکێ گونجای نیە بو کوردستانەکا سەربەخوە بەلێ ب ھزرا من نھا دەمێ ھندێ یە داکو خەلکێ مە بخوە بریارێ لسەر ئایندەیێ خوە بدەن “
مەسرور بارزانی بەحس لسەر رێکەفتنامەیا سایکس – بیکو دکەت و ب نەدادپەروەری بناڤ دکەت و د تویتەکا دن دا نڤیسی یە ” 100 سالێن سەرنەکەفتن و خوون رشتن بەسە بو وێ یەکێ کو رێیەکا نوو تاقی بکەین ، و بو کوردستانێ نھا دەمێ ھندێ یە کو نەدادپەروەری بھێتە ھەلوەشاندن “
