مەسرور بارزانی پیرۆزباهیێ ل هەردو قوتابیێن ئێكێ و دویێ ل سەر ئاستێ ئیراقێ دكەت
ب گۆڕەی ئەوان ئەنجامێن وەزارەتا پەروەردیا ئیراقێ بەلاڤكرین، قوتابییەكێ كورد ل باژێرێ كەركووكێ ل رێزا 12، یێ ئێكێ بوو ل سەر ئاستێ ئیراقێ، سەرۆكێ حوكمەتا هەرێما كوردستانێ ژی پیرۆزباهیێ لێ دكەت.
دوهی دوشەمبی 22/7/2024، ئالان حەمە سەعید، وەزیرێ پەروەردەیێ ل حوكمەتا هەرێما كوردستانێ بەلاڤكر» ب رێكا پەیوەندییا تەلەفۆنی، مە پەیاما مەسرور بارزانی، سەرۆكێ حوكمەتا هەرێما كوردستانێ گەهاندە هەردو قوتابییان (كاردۆ فەرحان عەبدولكەریم) یێ ئێكێ ل سەر ئاستێ ئیراقێ ب تێكرایا 100% كو خەلكێ پارێزگەها كەركووكێیە، هەروەسا (محەمەد سامان رەئووف) یێ دوویێ ل سەر ئاستێ ئیراقێ ب تێكرایا 99،71% كو ئەوژی خەلكێ پارێزگەها كەركووكێیە».
