مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن

دوهی سێشەمبی 11/3/2025، مەسرور بارزانی، سەرۆكێ حوكمەتا هەرێما كوردستانێ پەیامەك ب هەلكەفتا سالڤەگەڕا 55 یا رێككەفتنا 11 ئادارا 1970 بەلاڤكر.
سەرۆكێ حوكمەتا هەرێمێ د پەیاما خوە دا گۆت» ئەڤرۆ سالڤەگەڕا دەستكەفتەكا گرنگ و دیرۆكی یا شۆڕەشا ئیلۆنێ ب رێبەرییا رێبەرێ مەیێ نیشتمانی، بارزانیێ نەمر، ساخ دكەین».
مەسرور بارزانی گۆت ژی» كەلێ كوردستانێ هەردەم خوازیارێ گەهشتنێیە ب مافێن خوە یێن رەوا ب رێكا دانوستاندنێ و شێوازێ ئاشتییانە، بەلێ ب هەموو شێوەیەكی ژی داكۆكیێ ل مافێن دستووری یێن خوە دكەت و دەست ژێ بەرنادەت».
مەسرور بارزانی د پشكەكا دی یا پەیاما خوە دا دوپاتی ل چارەسەرییا بنەڕەتی و ئێكجاری یا كێشەیێن د ناڤبەرا حوكمەتا هەرێما كوردستانێ و حوكمەتا فیدرالیدا ( ل سەر بنەمایێ رێزگرتنێ ل دستوور و رێككەفتنان و قەوارەیێ دستووریێ هەرێما كوردستانێ) كر.

کۆمێنتا تە