مەسرور بارزانی پێشانگەها نێڤدەولەتییا وەبەرئێنانێ یا پێنجێ ل هەولێرێ ڤەكر
دوهی سێشەمبی 29/10/2024، مەسرور بارزانی، سەرۆكێ حوكمەتا هەرێما كوردستانێ پێشانگەها نێڤدەولەتییا وەبەرئێنانێ و خانوبەران یا پێنجێ ل هەولێرێ ڤەكر، كو چەندین كۆمپانیێن ناڤخوەیی و دەرڤە پشكدارن تێدا.
پێشانگەها نێڤدەولەتییا وەبەرئێنانێ و خانوبەران یا پێنجێ هەتا رۆژا 1/11/2024 دێ یا بەردەوام بیت كو نێزیكی 260 كۆمپانی و قۆنتەرچی و وەبەرئێنەران پشكداری تێدا كریە، ب تایبەت ئەوێن ل دووڤ دەلیڤەیێن گونجای یێن وەبەرئێنانێدا د گەریێن.
پشكەك ژ مەزنە كۆمپانیێن بیانی ژ 15 وەلاتان وەكو توركیا، ئیران، یۆنان، عومان، ئیمارات، لوبنان، ئوردن، سعودیە، ئەلمانیا، چین، ئیتالیا و كەنەدا و چەندین وەلاتێن دی ژی پشكدارن تێدا.
